Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QR Prezıdenti: Iran bıliginiń óz kinásin moıyndaýy mańyzdy sheshim boldy

2020 jyldyń 12 qańtar 2020 09:23

NUR-SULTAN. QazAqparat - Iran bıliginiń iýe apatyna baılanysty óz kinásin moıyndaýy mańyzdy sheshim boldy. Bul týraly búgin QR Prezıdenti Qasym-Jomart Toqaev óziniń Twitter-degi paraqshasynda jazdy, dep habarlaıdy QazAqparat.

«Iran bıliginiń birqatar memleket azamattarynyń ómirin qıǵan áýe apaty úshin óz kinásin moıyndaýy - mańyzdy sheshim boldy. Beıbit azamattardy da qurban qylatyn shıelenisti báseńdetý úshin, qalyptasyp otyrǵan jaǵdaıda barlyq taraptar ustamdylyq tanytýy kerek»,-dep jazdy Memleket basshysy.

Osyǵan deıin Iranda 180 jolaýshysy bar Ýkraına ushaǵy qulaǵany týraly málim boldy.

Artynan Qazaqstannyń Syrtqy ister mınıstrligi ushaqta Qazaqstan azamattarynyń joq ekenin habarlady.

Tegeranda qulaǵan Ýkraına ushaǵyndaǵy jolaýshylardyń barlyǵy mert bolǵany anyqtaldy.

Kanada premer-mınıstri Iran jolaýshylar laınerin abaısyzda atyp jiberý múmkin degen boljamyn jarııalady.

Al keshe Iran Iran Qarýly Kúshteriniń Bas shtaby Tegeran mańynda qulaǵan ushaqty Irannyń Áýe qorǵanys kúshteri qyzmeti zymyranmen baıqaýsyzda atyp túsirgenin málimdedi.

Iran Prezıdenti Hasan Roýhanı Ýkraına ushaǵynyń qulaýyna kináliler qylmystyq jaýapqa tartylatynyn aıtty.



Joǵary qaraı