Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

QR Prezıdenti Qytaımen strategııalyq seriktestikti odan ári nyǵaıtý máselesin talqylady

2022 jyldyń 15 sáýir 2022 16:35

NUR-SULTAN. QazAqparat – Memleket basshysy Qasym-Jomart Toqaev Qazaqstannyń Qytaı Halyq Respýblıkasyndaǵy jańadan taǵaıyndalǵan elshisi Shahrat Nuryshevty qabyldady. QazAqparat bul týraly Aqordaǵa silteme jasap habarlaıdy.

Áńgimelesý barysynda Prezıdent Qytaı Halyq Respýblıkasymen aradaǵy jan-jaqty strategııalyq seriktestikti odan ári nyǵaıtý máselesine nazar aýdardy.

Joǵary deńgeıdegi kelisimderdi, sonyń ishinde Memleket basshysynyń bıylǵy aqpan aıynda Beıjińge jasaǵan sapary barysynda qol jetkizilgen ýaǵdalastyqtardy júzege asyrý qajet ekenine basa mán berildi.

Qasym-Jomart Toqaev kólik-tranzıttik yqpaldastyqty, ekonomıkanyń mańyzdy sektorlaryndaǵy serpindi ınvestıtsııalyq jobalardy damytýdyń, sondaı-aq mádenı-gýmanıtarlyq yntymaqtastyq salasyndaǵy baılanystardy nyǵaıtý mańyzdy ekenin atap ótti.

Halyqaralyq jáne óńirlik deńgeıdegi, sonyń ishinde ShYU, AÓSShK alańdaryndaǵy baılanystardy nyǵaıtý máseleleri de jańadan taǵaıyndalǵan Elshiniń jumysyndaǵy mańyzdy baǵyttardyń qataryna qosyldy.


Joǵary qaraı