Aýa raıy
Astana -13 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

QR Prezıdenti Reformalar jónindegi joǵary keńestiń birinshi otyrysyn ótkizdi

2020 jyldyń 21 qazan 2020 20:13

NUR-SULTAN. QazAqparat - Prezıdent Qasym-Jomart Toqaevtyń tóraǵalyǵymen «Aqorda» rezıdentsııasynda Reformalar jónindegi joǵary keńestiń birinshi otyrysy ótti, dep habarlaıdy QazAqparat.

Jıynda Reformalar jónindegi joǵary keńestiń músheleri: QR Prezıdentiniń keńesshisi – Reformalar jónindegi joǵary keńes Tóraǵasynyń orynbasary Ser Sýma Chakrabartı, Premer-Mınıstr Asqar Mamın, Strategııalyq josparlaý jáne reformalar jónindegi agenttiktiń tóraǵasy Qaırat Kelimbetov, sondaı-aq, sheteldik bedeldi sarapshylar – Andres Velasko, lord Frensıs Mod jáne lord Fıllıp Hammond baıandama jasady.





Memleket basshysy sóılegen sózinde el azamattarynyń tyń tásilder men tıimdi sheshimder kútetinin, mundaı sátte Reformalar jónindegi joǵary keńestiń mańyzdy ról atqaratynyn atap ótti. Prezıdenttiń aıtýynsha, Keńes ulttyq ekonomıkanyń básekege qabilettiligin nyǵaıtýǵa jáne turǵyndardyń ál-aýqatyn arttyrýǵa baılanysty asa kúrdeli máseleler boıynsha sheshimder qabyldaıtyn bolady.

Prezıdent óz sózinde Keńes qyzmeti basqa konsýltatıvtik-keńestik organdardan túbegeıli erekshelenýi tıis ekenin, qoǵamdaǵy ózekti máselelerdi nemese túıindi túıtkilderdi jasyrmaı ashyq aıtý qajet ekenin atap ótti.

– Derekterdi tizip, qalyptasqan jaǵdaıdy sıpattaýmen shektelýge bolmaıdy. Bastysy – ýaqytyly sheshim qabyldaý. Keńes is júzinde júzege aspaıtyn, aldyn ala ázirlengen usynystardy quptap qana otyrmaýy tıis. Keńes mekemearalyq uzaq daýlarǵa núkte qoıýy kerek. Ulttyq ekonomıkany basqarýda, qoǵamdyq damýda, ınstıtýtsıonaldyq reformalar júrgizýde jańa baǵyttar usynýǵa mindetti. Árıne, qazirgi jumystardy da baqylaýy tıis, – dedi Qasym-Jomart Toqaev.

Prezıdent Keńestiń kelesi otyrysynda memlekettik josparlaý júıesindegi jańa tásilderdi qarastyrýdy jáne osy másele boıynsha sheshim qabyldaýdy usyndy.

– Biz árbir salada memlekettiń maqsattary men damý kezeńderin aıqyndaıtyn baǵdarlamalyq qujattardyń ıkemdi arhıtektýrasyn qurýymyz kerek. Júıe bıýdjetti josparlaýmen baılanystyrylady jáne memlekettik organdar basshylarynyń júktelgen mindettiń oryndalýyna tikeleı jaýapty ekenin bekitedi. Joǵary keńestiń sheshimderiniń oryndalýyn, ulttyq jobalardyń júzege asyrylýyn, reformalardy jobalyq basqarý qaǵıdattarynyń engizilýin qamtamasyz etý mańyzdy. Qazirgi kezeńde bul – Strategııalyq josparlaý jáne reformalar jónindegi agenttiktiń negizgi mindeti, – dedi Qazaqstan Prezıdenti.

Sonymen qatar Qasym-Jomart Toqaev orta merzimdi perspektıvadaǵy is-qımyldarǵa negiz bolýǵa tıisti El damýynyń 2025 jylǵa deıingi strategııalyq josparyna nazar aýdardy. Atalǵan qujatta damýdyń jańa kún tártibi jasalady.

Memleket basshysy Úkimettiń Strategııalyq jospardyń alǵashqy nusqasyn ázirlegenin, endi ony Strategııalyq josparlaý jáne reformalar jónindegi agenttikpen birlesip, sońyna deıin jetkizý jáne Joǵary keńes múshelerimen talqylaý, sondaı-aq, sońǵy nusqasyn kelesi jıynda Premer-Mınıstrge usyný qajettigin atap ótti.





Qasym-Jomart Toqaev beriletin bastapqy málimetterdiń sapasynda, ásirese, vedomstvolyq statıstıkada túıtkildi máseleler baryn aıtty. Statıstıka komıtetin Strategııalyq josparlaý jáne reformalar jónindegi agenttikke berý bul problemany sheshýge septigin tıgizýi tıis.

– Faktologııalyq málimetterdiń shynaıylyǵyn jáne olardyń sapaly túsindirilýin qamtamasyz etýge baǵyttalǵan reformalardy ázirleý kerek. Ekonomıkalyq, demografııalyq jáne basqa da úderisterdi durys modeldeý, ázirlengen sheshimderdi qabyldaý úshin durys boljam jasaý maqsatynda úlken derekterdi óńdeýdiń tetikterin paıdalaný qajet, – dedi Prezıdent.

Memleket basshysy Strategııalyq josparlaý jáne reformalar jónindegi agenttikke Tsıfrlyq damý, ınnovatsııalar jáne aeroǵarysh ónerkásibi mınıstrligimen birlesip, atalǵan máseleni muqııat pysyqtaýǵa jáne ahýaldy jaqsartý úshin naqty usynystar engizýge tapsyrma berdi.

Kezdesýde Qazaqstan Prezıdenti «halyq únine qulaq asatyn memleket» tujyrymdamasy jaıynda da aıtty. Ol jumys barysynda úkimettik emes uıymdar men jekelegen azamattardyń beıtarap pikirlerin eskerý qajettigin atap ótti.





Memleket basshysy Keńes sheńberinde reformalaýdyń árbir mańyzdy baǵyty boıynsha alty jumys tobyn qurýdy usyndy. Jumys toptarynyń quramyna Keńes múshelerinen bólek, laýazymdy tulǵalar, qoǵamdyq uıymdardyń ókilderi, halyqaralyq jáne otandyq táýelsiz sarapshylardyń kirý múmkindigi bar.

Qasym-Jomart Toqaev birinshi top retinde Sýma Chakrabartıdiń basshylyǵymen tıimdi makroekonomıkalyq saıasat tobyn qurýdy usyndy. Bul top aqsha-nesıe jáne bıýdjet saıasatynyń tıimdiligi, salyq júıesi, qarjy sektorynyń turaqtylyǵyn qamtamasyz etý sııaqty mindetterdi iske asyrýdy kózdeýi kerek.

Ekinshi top, Prezıdent Ákimshiliginiń Basshysy Erlan Qoshanovtyń jetekshiligimen sot jáne quqyq qorǵaý júıesin reformalaýmen aınalysýy qajet. Prezıdent atalǵan baǵytta aýqymdy jumys atqarý kerek dep sanaıdy. Sondyqtan kózboıaýshylyqqa jol berilmeýi tıis.

Memleket basshysy áleýmettik salany qaıta jańǵyrtýǵa arnaıy top jumyldyrylatynyn aıtty. Ol óziniń tikeleı tapsyrmasymen Qazaqstan úshin múlde jańa qujat, atap aıtqanda, Áleýmettik kodekstiń ázirlenip jatqanyna toqtaldy.

– Shyn máninde, bul qujat jekelegen adam men memleket arasyndaǵy qarym-qatynasty júıeleýge, olardyń ózara mindettemelerin aıqyndaýǵa, sondaı-aq, qazaqstandyqtarǵa beriletin tómengi áleýmettik kepildikterdi naqtylaýǵa arnalǵan. ıAǵnı, qujatta azamattardyń balabaqshaǵa barǵannan zeınetke shyqqanǵa deıingi ómiri tolyq qamtylǵan, – dedi Qasym-Jomart Toqaev.

Sonymen qatar ekonomıkany ártaraptandyrý boıynsha da top qurylady. Memleket basshysy elimiz úshin budan basqa jol joq ekenine senimdi. Degenmen, onyń pikirinshe, naqty jumys isteıtin tetikter áli de jetkiliksiz.

– Ázirge shıkizat óndirý, alyp-satýmen aınalysý jáne memlekettik tapsyrysqa «ıek artyp otyrý» áldeqaıda tıimdi, – dedi Memleket basshysy.

Joǵaryda atalǵan eki toptyń jumysy Premer-Mınıstrdiń basshylyǵymen uıymdastyrylady.

Besinshi toptaǵy Úkimet pen «Atameken» Ulttyq kásipkerler palatasynyń ókilderi bıznesti retteý máselelerimen aınalysady.

Prezıdent Ákimshiligi Basshysynyń orynbasary Tımýr Súleımenov basqaratyn altynshy top zamanaýı memlekettik basqarý jáne tıimdi memlekettik qyzmet máselelerin baqylaýǵa alatyn bolady.

– Bizdiń aldymyzda memlekettik apparatty jańa sapaly deńgeıge kóterý máselesi tur. Ol naqty nátıjelerge qol jetkizý úshin ózine jaýapkershilik alatyn, qandaı da bir sheshim qabyldaǵanda meılinshe ıkemdi ári quzyretti bolýy kerek. Bul jerde kóp nárse zamanaýı tsıfrlyq tehnologııalardy engizýge baılanysty. Atalǵan máselede eshqandaı kedergi bolmaýy tıis, – dedi Memleket basshysy.

Sóz sońynda Qazaqstan Prezıdenti uzaq oılanýǵa ýaqyt joq ekenin, jumys toptarynyń aldynda memlekettik mańyzdy mindetter turǵanyn atap ótti.

– Kelesi jyly el Táýelsizdiginiń 30 jyldyǵyn atap ótemiz. Bul aıtýly datany merekelik is-sharalarmen emes, naqty istermen qarsy alýymyz kerek. Táýelsizdigimizdiń 30-jylyna qýatty, ónimdi eńbekpen jetken abzal. Bul jerde, eń aldymen, azamattarymyzdyń ál-aýqatyn arttyrýǵa baǵyttalǵan tıimdi reformalar jóninde sóz bolyp otyr, – dedi Memleket basshysy.





Joǵary qaraı