Aýa raıy
Astana -14 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

QR Prezıdenti sybaılas jemqorlyqqa qarsy is-qımyl jónindegi zańǵa qol qoıdy

2020 jyldyń 7 qazan 2020 08:36

NUR-SULTAN. QazAqparat - Memleket basshysy «Qazaqstan Respýblıkasynyń keıbir zańnamalyq aktilerine sybaılas jemqorlyqqa qarsy is-qımyl máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy.

Bul týraly Aqordanyń resmı saıtynan málim boldy.

Zań Memleket basshysynyń jedel-izdestirý qyzmetin nemese sotqa deıingi tergep-tekserýdi júzege asyratyn laýazymdy adamdardyń arandatýshylyq áreketteri úshin qatań jaýapkershilik belgileý týraly tapsyrmasyn iske asyrýǵa baǵyttalǵan.

Zańda memlekettik qyzmetshiler men olardyń otbasy múshelerine syıǵa tartýshynyń paıdasyna jasaǵan áreketteri úshin syılyqtarǵa, materıaldyq syıaqyǵa jáne qyzmet kórsetýge tolyq tyıym salynǵan.

Zańǵa sáıkes sybaılas jemqorlyqqa qarsy zańnama kvazımemlekettik sektor sýbektilerinde memlekettik bıýdjetten qarjylandyrylatyn jobalardy satyp alý jáne iske asyrý boıynsha negizgi sheshimder qabyldaıtyn tulǵalarǵa taratyldy.

Zańda týystardyń bir uıymdaǵy birlesken jumysynyń jekelegen máselelerin retteýge, sybaılas jemqorlyq quqyq buzýshylyqtar týraly habardar etýge, sybaılas jemqorlyqqa qarsy qyzmet qyzmetkerleriniń turǵyn úı tólemderine, kvazımemlekettik sektor sýbektilerinde komplaens-qyzmetter qurýǵa jáne basqalarǵa baǵyttalǵan normalar da kózdelgen.

Zańnyń mátini baspasózde jarııalanady.


Joǵary qaraı