Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QR Prezıdenti Tájikstannyń Madjlısı Olı Madjlısı mıllı tóraǵasyn qabyldady

2021 jyldyń 24 qyrkúıek 2021 14:44

NUR-SULTAN. QazAqparat - Memleket basshysy Qasym-Jomart Toqaev Tájikstannyń Madjlısı Olı Madjlısı mıllı tóraǵasy Rýstamı Emomalıdi qabyldady, dep habarlaıdy Aqorda.

Qazaqstan Prezıdenti qazirgi syn-qaterler jaǵdaıynda joǵary dárejede ornyqtylyq kórsetip otyrǵan qazaq-tájik yntymaqtastyǵynyń oń qarqynyn atap ótti. Buǵan memleketter basshylary deńgeıindegi belsendi saıası dıalog jáne úkimetterdiń úılesimdi jumystary septigin tıgizýde.

Qasym-Jomart Toqaev óziniń Tájikstanǵa resmı saparynyń qorytyndylary boıynsha qol jetkizilgen ýaǵdalastyqtar ekijaqty baılanystardy keshendi túrde nyǵaıtýdyń basty baǵdary bolatynyn aıtty.

Prezıdent memleketter basshylarynyń tapsyrmalaryn iske asyrýda eki el úkimetteriniń belsendi jumys istep jatqanyn jáne qazirdiń ózinde naqty nátıjelerdiń bar ekenin atap ótti.

Memleket basshysy Qasym-Jomart Toqaev Prezıdent Emomalı Rahmonǵa júrekjardy sálemin jáne UQShU men ShYU-nyń jýyrda Dýshanbede ótken sammıtterin sapaly uıymdastyrǵany úshin shynaıy alǵysyn joldady.



Joǵary qaraı