Aýa raıy
Astana 8 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

QR Prezıdenti: Úkimet karantın rejımin saqtaý jónindegi sharalardy kúsheıtýge mindetti

2020 jyldyń 3 tamyz 2020 09:53

NUR-SULTAN. QazAqparat – Úkimet karantın rejımin saqtaý jónindegi sharalardy kúsheıtýge mindetti. Bul týraly QR Prezıdenti Qasym-Jomart Toqaev Twitter-degi paraqshasynda jazdy, dep habarlaıdy QazAqparat tilshisi.

«Búkil álemde pandemııa órship tur. Ol Qazaqstandy da aınalyp ótpedi. Іndet júzdegen eńbekker men zeınetkerdi, qarttar men jastardy, ataqty azamattarymyz ben qarapaıym adamdardy aramyzdan alyp ketip jatyr. Dańqty palýan, qoǵam qaıratkeri J.Úshkempirovtiń qazasy týraly habardy zor kúızelispen qabyldadym. Osy dertten qaıtys bolǵan azamattardyń qazasy qabyrǵama batty. Koronavırýs pen ókpe qabynýy saldarynan qaıtys bolǵandardyń sany áli de joǵary»,-dep jazdy Memleket basshysy.

Sondaı-aq Prezıdent densaýlyq saqtaý mınıstrligi men barlyq medıtsınalyq mekemelerdiń basty mindeti – ólim-jitim deńgeıin eń tómengi shekke deıin túsirý ekendigin atap ótti.

«Úkimet azamattardyń karantın rejımin saqtaý jónindegi sharalardy kúsheıtýge mindetti. Onsyz pandemııaǵa qarsy kúreste jeńiske jetý múmkin emes»,-dedi Qasym-Jomart Toqaev.


Joǵary qaraı