Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

QR SІM eldegi qalyptasqan jaǵdaıǵa baılanysty málimdeme jasady

2022 jyldyń 6 qańtar 2022 17:13

NUR-SULTAN. QazAqparat – Qazaqstan Respýblıkasy Syrtqy ister mınıstrligi elde qalyptasqan jaǵdaıǵa baılanysty málimdeme jasady, dep habarlaıdy QazAqparat QR SІM baspasóz qyzmetine silteme jasap.

2022 jylǵy 5 qańtarda Qazaqstan Respýblıkasynyń Prezıdenti Qasym-Jomart Toqaevtyń Jarlyqtarymen eldiń búkil aýmaǵynda tótenshe jaǵdaı rejımi engizildi.

Mańǵystaý oblysynda bastalǵan mıtıngterde turǵyndar suıytylǵan gaz baǵasyn tómendetý talabymen shyqty. Osyǵan jaýap retinde Memleket basshysynyń tapsyrmasymen Úkimet olardy tómendetý boıynsha shuǵyl sharalar qoldanyp, áleýmettik mańyzy joǵary azyq-túlik taýarlary, janarmaıdyń jáne kommýnaldy qyzmetterdiń baǵalarynyń ósýine moratorıı jarııalady.

Narazylyq sharalarynyń birinshi kúnderinde qamalǵandardyń bári bosatyldy. Degenimen, basqa iri qalalardaǵy sherýler jappaı tártipsizdikter men bılik organdaryna shabýylǵa ákelip soqty.

Onyń ústine Almatydaǵy oqıǵalar – ákimshilik jáne áskerı nysandarǵa shabýyldar, áýejaıdy basyp alý jáne sheteldik jolaýshy jáne júk ushaqtarynyń ustalýy shabýyl jasaýshylardyń is-áreketteriniń joǵary deńgeıde daıyndalǵanyn jáne úılestirgenin aıǵaqtaıdy. Taldaý kórsetkendeı, Qazaqstan shetelde daıyndyqtan ótken terrorıstik toptardyń qarýly basyp kirýine tap boldy.

Jaǵdaıdyń kúrt shıelenisýine baılanysty Prezıdent Qasym-Jomart Toqaev Qazaqstan Respýblıkasy Qaýipsizdik Keńesiniń Tóraǵasy qyzmetine kirisip, Ujymdyq qaýipsizdik týraly shart uıymyna múshe memleketterge terrorızmge qarsy operatsııa júrgizýge áskerı kómek kórsetý týraly ótinish bildirdi.

Jarııalanǵan tótenshe jaǵdaı qoǵamdyq qaýipsizdikti jáne zańdylyqty saqtaýǵa baǵyttalǵan sharalar keshenin qamtıdy. Quqyq qorǵaý organdary men Qazaqstan Respýblıkasynyń qarýly Kúshteri kez kelgen zańsyz áreketterdiń jolyn kesýge ýákiletti.

Sonymen qatar, memleket kópultty jáne kópkonfessııaly halqymyzdyń barlyq ókilderiniń quqyqtary men múddelerin jáne dıplomatııalyq korpýs pen jýrnalısterdi qosa alǵanda elimizdegi shetel azamattarynyń qaýipsizdigin qamtamasyz etýdi jalǵastyrady. Sheteldik ınvestıtsııalar men sheteldik kompanııalardyń bıznesine qorǵaý beriledi.

Qazaqstan Respýblıkasy adam quqyqtary salasyndaǵy halyqaralyq mindettemelerin oryndaýǵa jáne QR Prezıdenti Q. Tokaev júzege asyryp kele jatqan «Halyq únine qulaq asatyn memleket» tujyrymdamasy aıasyndaǵy reformalar kýrsynyń jalǵasýyna múddeli.

«Qazaqstan Respýblıkasy Syrtqy ister mınıstrligi ekijaqty jáne kópjaqty yntymaqtastyqtyń aǵymdaǵy máseleleri boıynsha halyqaralyq seriktesterimen udaıy baılanysta»,-delingen habarlamada.


Joǵary qaraı