Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

QR SІM sheteldik BAQ-tardaǵy jarııalanymdarǵa qatysty pikir bildirdi

2022 jyldyń 10 qańtar 2022 02:33

NUR-SULTAN. QazAqparat – QR Syrtqy ister mınıstrligi keıir sheteldik buqaralyq aqparat quraldaryndaǵy jarııalanymdarǵa qatysty pikir bildirdi, dep habarlaıdy QazAqparat.

«Elimizde tótenshe jaǵdaı engizilgennen beri qalyptasqan ahýalǵa baılanysty sheteldik BAQ-taǵy birqatar jarııalanymdar atústi jáne birjaqty sıpatta boldy. Osy oraıda QR Syrtqy ister mınıstrligi kelesini atap ótýdi jón sanaıdy.

Mańǵystaý oblysy men eldiń barlyq iri qalalarynda beıbit mıtıngiler ótti. Olardyń talaptary tolyq qanaǵattandyryldy. Alaıda, terrorshyl, ekstremıstik jáne qylmystyq toptar shıelenis pen zorlyq-zombylyqty ýshyqtyrý úshin bul jaǵdaıdy óz múddesine paıdalanyp aldy. Osyǵan baılanysty elde tótenshe jaǵdaı jarııalandy.

Almaty qalasyndaǵy jáne eldiń basqa da óńirlerindegi oqıǵalar kórsetkendeı, Qazaqstan shetelde daıyndyqtan ótken jáne jaqsy úılestirilgen terrorshyl toptardyń shabýylyna tap boldy. Aldyn ala málimetke qaraǵanda, shabýylshylardyń arasynda janjal aımaqtarynda dinı radıkaldyq toptardyń qatarynda qaqtyǵystarǵa qatysý tájirıbesine ıe adamdar bar.

Qazirgi ýaqytta Qazaqstannyń quqyq qorǵaý organdary men Qarýly kúshteri, keıbir sheteldik BAQ burmalap kórsetkendeı, «beıbit sıpattaǵy narazy toptarǵa» emes, terrorısterge qarsy turýda», - delingen vedomstvo málimetinde.

QR SІM-niń jazýynsha, Qazaqstan Ujymdyq qaýipsizdik týraly shart uıymyna (UQShU) kómekke júginýge májbúr boldy

«Qalyptasqan jaǵdaıda, Qazaqstan Ujymdyq qaýipsizdik týraly shart uıymyna kómekke júginýge májbúr boldy, ol (Uıym elderi – red.) jaǵdaıdy turaqtandyrý maqsatynda jalpy sany 2 500 adam quraıtyn bitimgershilik kúshin jiberdi. Bitimgershilerdiń mandatyna strategııalyq nysandardy kúzetý jáne qazaqstandyq quqyq qorǵaý kúshterine járdemdesý kiredi.

Terrorshyl toptarǵa qarsy negizgi is-qımyldy Qazaqstannyń quqyq qorǵaý organdary men Qarýly kúshteri júrgizetinine nazar aýdaramyz.

UQShU-dyń bitimgershilik kúshteri Qazaqstanda ýaqytsha negizde bolatynyn jáne jaǵdaı turaqtalǵan soń Qazaqstan tarapynyń birinshi suraýy túsken kezde óz elderine oralatynyn atap ótken jón.

Narazylyq mıtıngilerdiń beıbit qatysýshylary eshqandaı qýdalaýǵa ushyramaıtyny asa mańyzdy.

Quqyq qorǵaý organdaryna qalyptasqan jaǵdaıdyń sebepterine keshendi tergeý júrgizý tapsyryldy, onyń nátıjeleri halyqaralyq qoǵamdastyqqa jetkiziletin bolady.

Qazaqstan halqynyń yntymaǵyn jáne Prezıdent Q. Toqaevtyń beıbit ómirdi qalpyna keltirý jónindegi sheshimderi men sharalaryna qoldaýyn atap ótken jón.

Qazaqstan demokratııa men el Konstıtýtsııasyn dinı radıkaldar men terrorshyldardan tabandylyqpen qorǵaýǵa daıyn!

Ókinishke oraı, qaqtyǵystardyń saldarynan elimizdiń azamattary, sonyń ishinde quqyq qorǵaý organdarynyń qyzmetkerleri men áskerıler qaza tapty.

Osyǵan baılanysty, 2022 jyldyń 10 qańtary elimizde Jalpyulttyq aza tutý kúni bolyp jarııalandy», - delingen Syrtqy ister mınıstrliginiń habarlamasynda.

Joǵary qaraı