Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QR Syrtqy ister mınıstrligi AQSh aýmaǵyna kirýdiń jańa erejelerin túsindirdi

2021 jyldyń 3 qarasha 2021 10:43

NUR-SULTAN. QazAqparat – QR Syrtqy ister mınıstrligi shetel azamattarynyń AQSh aýmaǵyna kirýiniń jańa erejelerin túsindirdi, dep habarlaıdy QazAqparat.

«Qazaqstannyń Syrtqy ister mınıstrligine dıplomatııalyq arnalar arqyly kelip túsken aqparatqa sáıkes, 2021 jylǵy 8 qarashadan bastap, AQSh-tyń Azyq-túlik pen dári-dármekterdiń sapasy boıynsha sanıtarlyq qadaǵalaý basqarmasy nemese Dúnıejúzilik densaýlyq saqtaý uıymy maquldaǵan preparattarmen COVID-19-ǵa qarsy vaktsınatsııany rastaıtyn sertıfıkaty (pasporty) bar adamdarǵa ǵana AQSh aýmaǵyna kirýge ruqsat etiledi.

Bekitilgen tizimge Pfizer-BioNTech, Moderna, Johnson&Johnson, AstraZeneca, Covishield, BIBP/Sinopharm, Sinovac sııaqty vaktsınalar kiredi», - dedi vedomstvodan.

Atap ótilgendeı, osyǵan baılanysty, atalǵan sertıfıkattar vaktsınatsııaǵa jaýapty memlekettik organ bekitken nusqa boıynsha resimdelýi tıis. Bul qujattardyń túpnusqalyǵyn avıakompanııa qyzmetkerleri AQSh-qa ushqanǵa deıin tirkeý kezinde teksered

Aıta keteıik, bul talaptar 18 jasqa deıingi balalarǵa, vaktsınatsııaǵa qarsy kórsetilimderi bar adamdarǵa, sondaı-aq dıplomatııalyq, qyzmettik jáne tranzıttik sanattaǵy vızalary bar memlekettik qyzmetshilerge nemese olardyń otbasy múshelerine jáne halyqaralyq uıymdardyń qyzmetkerlerine qoldanylmaıdy.


Joǵary qaraı