Aýa raıy
Astana 3 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

QR UQK el tarıhyndaǵy eń iri esirtki zerthanasyn uıymdastyrǵandardy ustady

2020 jyldyń 7 tamyz 2020 11:57

ALMATY. QazAqparat- 27 shilde kúni QR Ulttyq qaýipsizdik komıtetiniń ókilderi Almaty qalasynda zerthana jaǵdaıynda sıntetıkalyq esirtki óndirisin uıymdastyrǵan Qazaqstannyń eki azamatyn ustady, dep habarlaıdy QazAqparat tilshisi.

«Zerthanany jáne ustalǵandardyń turǵyn úıi men avtokóligin tintý barysynda satýǵa daıyn jáne krıstaldaý kezeńinde turǵan jalpy kólemi 55 kg-dan artyq joǵary sapaly «mefedron» esirtki zaty (alynǵan partııanyń «qara naryqtaǵy» quny shamamen 1,5 mıllıard teńgeni quraıdy), sondaı-aq iri somadaǵy shetel valıýtasy men atys qarýy alyndy. Odan basqa, esirtki óndirýdiń tolyq ári sapaly tsıklyn qamtamasyz etetin zerthana jabdyǵy, 30 kg esirtki jasaý úshin jetkilikti bir tonnaǵa jýyq prekýrsor men hımııalyq reagentter alyndy», -delingen UQK taratqan habarlamada.

Qazirgi tańda qolǵa túsken kúdiktiler tergeý ızolıatorynda qamaýda jatyr. Olardyń ústinen QR QK 297-baby 3-bóligi boıynsha (esirtki jasaý jáne ótkizý faktisi boıynsha múlikin tárkileý jáne on bes jylǵa deıingi merzimge bas bostandyǵynan aıyrý) qylmystyq is qozǵaldy.

«Kúdiktiler bastapqyda turǵylyqty jeri boıynsha jasyryn esirtki sıntezin uıymdastyrǵan. Keıinnen esirtki zatyn satýdan túsken aqshaǵa «Іle-Alataý ulttyq parki» aýmaǵynda kottedj satyp alyp, onda «mefedron» óndirý boıynsha tolyqqandy jasyryn zerthana ashqan. Ónerkásip aýqymyndaǵydaı óndirilgen esirtki iri partııalarda Internet jelisiniń «DarkNet» kóleńkeli segmentinde áreket etetin iri esirtki dúkenderiniń ókilderine ótkizilip otyrǵan. Bul rette, esirtki úshin tólemdi basym kópshiliginde bıtkoındarmen alǵan», - dep jazdy QR UQK baspasóz qyzmeti.


Joǵary qaraı