Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

QR UQK Jambyl oblysy boıynsha departamentine jańa basshy taǵaıyndaldy

2022 jyldyń 14 qańtar 2022 14:13

TARAZ. QazAqparat - Jambyl oblysy boıynsha Ulttyq qaýipsizdik komıteti departamentiniń bastyǵy bolyp Nurlan Káribjanov taǵaıyndaldy.

Osy qyzmetti atqaryp kelgen Marat Irmenov Almaty qalasynyń UQK departament basshysy bolyp aýysty. Bul týraly óńirlik jedel shtabtyń kezekti otyrysynda aıtyldy.

N.Qalqamanuly buǵan deıin UQK-niń ortalyq apparat ynda departament basshysy laýazymyn atqarǵan. Sondaı-aq, ol 2011 – 2016 jyldary UQK Jambyl oblysy boıynsha departamentiniń bastyǵy bolyp eńbek etken.

Oblys ákimi Berdibek Saparbaev jańa basshyny tanystyryp, artylatyn senim men júktelgen mindet júgi aýyr ekenin basa aıtty.

Aımaq basshysy qazirgi tańda halyq qaýipsizdigin qamtamasyz etý – eń basty másele ekenin jetkizdi.

- Memleket basshysynyń tapsyrmasyna sáıkes óńirdegi turaqtylyqty, turǵyndardyń qaýipsizdigin, tynyshtyǵyn qamtamasyz etý kerek. Ol úshin barlyq jergilikti atqarýshy, quqyq qorǵaý organdary men kúshtik qurylymdar ózara birlese jumys istegeni mańyzdy. Halyq ózin qaýipsiz sezinip, úlkender jumysqa, balalar sabaqqa, balabaqshaǵa emin-erkin barýy tıis,-dedi oblys ákimi.

B. Saparbaev buǵan deıingi shtab otyrysynda berilgen tapsyrmalardyń oryndalýyn tezdetý qajettigine toqtaldy.

Jappaı tártipsizdikke qatysýshy búlikshilerdi, arańdatýshylar men qarýly qylmyskerlerdi anyqtaý, ustaý, qoldy bolǵan qarý-jaraqtardy qaıtarý boıynsha atqarylyp jatqan jumystar týraly polıtsııa departamenti bastyǵynyń mindetin atqarýshy, oblys komendanty Baqyt Rataev baıandady.

Ol búginge deıin 143 qarý-jaraq tabylyp, tárkilengenin aıtty.

Basqosýda tótenshe jaǵdaı rejımi jáne komendanttyq saǵat talaptarynyń saqtalý barysy, oblys aýmaǵyndaǵy 31 blokbekettiń jumysy jóninde de esep berildi.




Joǵary qaraı