Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QR Ulttyq bankiniń tamyz aıyndaǵy qarjy naryǵyndaǵy ahýalǵa sholýy

2021 jyldyń 29 qyrkúıek 2021 11:40

NUR-SULTAN. QazAqparat – Qazaqstan Respýblıkasynyń Strategııalyq josparlaý jáne reformalar agenttigi Ulttyq statıstıka bıýrosynyń derekteri boıynsha, 2021 jyldyń tamyz aıynda ınflıatsııa 0,5% (2020 jylǵy tamyzda – 0,1%) boldy, dep habarlaıdy QazAqparat Qazaqstan Respýblıkasy Ulttyq bankiniń saıtyna silteme jasap.

Saıt taratqan málimet boıynsha, jyldyq ınflıatsııa 8,7% (2020 jylǵy jeltoqsanda – 7,5%) deńgeıinde qalyptasty. Inflıatsııanyń qurylymynda jyldyq kórsetkish boıynsha azyq-túlik taýarlarynyń baǵasy 11,4%-ǵa, azyq-túlikke jatpaıtyn taýarlar – 7,3%-ǵa, aqyly qyzmetter – 6,6%-ǵa ósti.




Ulttyq Banktiń jalpy halyqaralyq rezervteri 2021 jylǵy tamyzda, aldyn ala derekter boıynsha, 5,2%-ǵa (jyldyń basynan bastap 3,3%-ǵa) ulǵaıyp, 36,8 mlrd AQSh dollaryn qurady. Saıt málimetine sáıkes, rezervterdiń ulǵaıýy Halyqaralyq valıýta qorynan arnaıy qaryz alý quqyǵyn (SDR) alý aıasynda erkin aıyrbastalatyn valıýtadaǵy aktıvterdiń, sondaı-aq altyn portfeliniń ósýine baılanysty boldy.

Aldyn ala derekter boıynsha, Ulttyq qordyń shetel valıýtasyndaǵy aktıvterin (56,9 mlrd AQSh dollary) qosa alǵanda, eldiń jalpy halyqaralyq rezervteri 2021 jyly tamyzdyń sońynda 93,7 mlrd AQSh dollaryn qurady.

Aqsha bazasy 2021 jyly tamyzda birshama azaıyp, 10 298,2 mlrd teńgeni qurady (jyl basynan bastap 5,3%-ǵa ulǵaıdy). Tar aqsha bazasy, ıaǵnı ekinshi deńgeıli bankterdiń Ulttyq Banktegi merzimdi depozıtterin eseptemegendegi aqsha bazasy 3%-ǵa 6 300,2 mlrd teńgege deıin (jyl basynan bastap – 23,8%-ǵa) keńeıdi.

2021 jylǵy tamyzda aqsha massasy 0,6%-ǵa azaıyp, 28 056,2 mlrd teńge boldy (jyl basynan bastap 12,6%-ǵa ósti), aınalymdaǵy qolma-qol aqsha 0,7%-ǵa, 3 014,5 mlrd teńgege deıin azaıdy (jyl basynan bastap 6,6%-ǵa ósti).











Basty sózder: Ekonomıka, QR Ulttyq banki, Qarjy,
Joǵary qaraı