Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kranshynyń ólimi: Almatyda barlyq qurylys alańyndaǵy krandar tekseriledi

2022 jyldyń 24 qańtar 2022 12:14

ALMATY. QazAqparat - Almatydaǵy barlyq qurylys krandary tekseriledi. Bul týraly Almatynyń tynys-tirshiligin qalpyna keltirý jónindegi shtab otyrysynda qala ákiminiń orynbasary Muhıt Ázirbaev málim etti, dep habarlaıdy QazAqparat tilshisi.

Otyrys barysynda Almaty ákimi Baqytjan Saǵyntaev orynbasary Muhıt Ázirbaevtan qurylys alańynda mert bolǵan qurylysshyǵa qatysty qaıǵyly boıynsha qandaı shara qabyldanyp jatqanyn surady.

«Aıdyn kúni amanda, eshqandaı boran, jel joq. Qurylys alańynda kran qulap, bir azamat mert boldy. Osyǵan baılanysty qandaı is sharalardy qolǵa aldyńyzdar?», - dep surady Almaty ákimi.

Óz kezeginde Muhıt Ázirbaev arnaıy jumys toby qurylǵanyn jetkizdi.

«Keshe jumys toby quryldy, osy aptada qaladaǵy barlyq krandardy tekseremiz. Aldyn ala boljam boıynsha, tehnıkalyq aqaý bolǵan», - deıdi ol.

Baqytjan Saǵyntaev tehnıkalyq aqaýlardy kranshy týdyrmaıtynyn basa aıtty.

«Ony komıssııa anyqtaıdy. Biraq bul, kran operatorynyń qateligi dep oılamaımyz. Krannyń tozýy nemese basqa da sebepter bolýy múmkin. Bul tekserý barysynda anyqtalatyn bolady. Ázirge saraptamanyń nátıjesi joq», - dep jaýap berdi Muhıt Ázirbaev.

Ákim orynbasaryna bir apta ishinde qurylys krandaryn tekserip, kelesi apparat keńesinde atqarylǵan jumystardy baıandaý tapsyryldy.

Eske salaıyq, keshe Almatyda qurylys alańynda kran qulap, bir adam mert boldy.


Joǵary qaraı