Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QTJ temirjolshylardyń turmystyq jaǵdaıyn jaqsartý baǵdarlamasyn iske qosady

2021 jyldyń 21 shilde 2021 19:16

NUR-SULTAN. QazAqparat - «Qazaqstan temir joly» UK» AQ temirjolshylardyń áleýmettik-turmystyq jaǵdaıyn jaqsartýdyń arnaıy baǵdarlamasyn iske qosady, dep habarlaıdy QazAqparat atalǵan kompanııanyń baspasóz qyzmetine silteme jasap.

Búgin ótken keńeıtilgen keńeste kompanııanyń Basqarma Tóraǵasy Nurlan Saýranbaev: «Eńbek ujymdaryndaǵy áleýmettik turaqtylyqty qoldaý maqsatynda biz úshin qyzmetkerlerdiń eńbek jaǵdaılarynyń tıisti deńgeıin qamtamasyz etý mańyzdy másele», - dep atap kórsetti.

«QTJ» UK« AQ árqashanda óz qyzmetkerlerine keń aýqymdy jeńildikterdi qamtıtyn áleýmettik paket usynyp keledi. Osy maqsatqa arnalǵan bıýdjet jyl saıyn ulǵaıyp otyr.

Qyzmetkerlerdiń quqyǵyn qorǵaý, eńbekaqy tóleý, eńbekti qorǵaý, basqa da áleýmettik kepildikter Ujymdyq kelisim-shartpen bekitilgen. Búgingi keńeıtilgen keńeste aıtylǵandaı, qyzmetkerlerge ýaqytyly qosymsha aqylar men ústemeaqylarǵa, sapaly arnaıy kıimmen qamtamasyz etýge, qolaıly eńbek jaǵdaılaryn jasaýǵa erekshe nazar aýdarý qajet.


Basty sózder: Áleýmettik qoldaý, QTJ,
Joǵary qaraı