Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kýáger bes jastaǵy balanyń múrdesin qoqystan qalaı tapqanyn aıtty

2022 jyldyń 19 mamyr 2022 21:41

TALDYQORǴAN. QazAqparat - Almaty oblysynyń Sarqan aýdanynda bes jastaǵy qyz balanyń denesin qoqystan tapqan kýáger oqıǵanyń qalaı bolǵanyn aıtty, dep habarlaıdy QazAqparat tilshisi.

Bas kıim kıgen kishkentaı balanyń basy qoqysta jatqanyn sarqandyq turǵyn Mádı Muhametqalıevtiń balalary kóripti. Ákesi balalarynan sumdyq jaıtty estip, dereý oqıǵa ornyna barǵan. Polıtsııany shaqyrtqan.

«Osydan eki kún buryn, ıaǵnı 17 mamyr kúni túski saǵat 11:00 shamasynda úıde demalyp jatqanmyn. Ulym kelip «Áke, áke! Ana jerde náresteniń súıegi jatyr. Kórińizshi, kórińizshi?« deıdi. Kelsem, týra osy qoqystyń janynda balanyń bas súıegi jatyr. Eti aǵyp ketken. Denesi tómende jatyr eken. Basy bir bólek, denesi bir bólek jatty», - dedi Mádı Muhametqalıev QazAqparat tilshisine bergen suhbatynda.

Mádı Muhametqalıev oqıǵanyń ótkenine eki kún bolsa da áli óz-ózine kele almaı júrgenin aıtady.




«Janýar da óz balasyn qorǵaıdy, mynaý endi sumdyq qoı. Balanyń óli denesi qoqysta jatyr. Áli durystap tamaq ishe almaı júrmin. Ózim de bala ósirip otyrmyn. Bala kıimimen jatty», - dedi Mádı Muhametqalıev.

Esterińizge sala keteıik, buǵan deıin Almaty oblysy Sarqan aýdanynda bes jastaǵy balanyń máıiti qoqystan tabylǵanyn habarlaǵan bolatynbyz.

Quzyrly organnyń aqparatyna sáıkes, búgin balanyń anasy anyqtaldy. Ol 2002 jyly týǵan Sarqan qalasynyń turǵyny bolyp shyqty. Balasyn 2017 jyly, ıaǵnı 15 jasynda dúnıege ákelgen.





Joǵary qaraı