Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qýańshylyq: Qazyǵurttyqtar Aralǵa 3 vagon jem-shóp jóneltti

2021 jyldyń 31 shilde 2021 02:42

TÚRKІSTAN. QazAqparat – Qyzylorda óńirine qazyǵurttyq sharýalar men kásipkerler kómek qolyn sozdy, dep habarlaıdy QazAqparat ákimdikke silteme jasap.

Bıyl aýa raıynyń qolaısyzdyǵynan jaýyn-shashynnyń az túsýinen qýańshylyqtyń saldarynan zardap shekken Qyzylorda óńirine qazyǵurttyq sharýalar men kásipkerler kómek qolyn sozýda. 3 vagon jem-shóp Shymkent qalasynyń temirjol stansasynan jolǵa shyqty. 50 tonna mal azyǵy qurǵaqshylyqtan zardap shegip, tótenshe jaǵdaı jarııalanǵan kórshi Qyzylorda oblysy Aral aýdanyna baǵyttaldy. Mal azyǵy óńirdegi shóp jetpeýshiliginen qıyndyqqa tap bolǵan sharýalarǵa tegin úlestiriledi.

Aıta keteıik, bıyl naýryz-sáýir aılarynda elimizdiń ońtústigi men batys oblystarynyń basym bóliginde kóktemgi jaýyn-shashyn normadan az túsip, aýa temperatýrasy joǵary bolǵany belgili. Sonyń saldarynan uzaq jyldan beri bolmaǵan qurǵaqshylyq mal sharýashylyǵyna aýyr tıdi.

Qurǵaqshylyq Túrkistan oblysynda da oryn aldy. Búginde óńirdegi jaǵdaı turaqty. Tabıǵı shóp bitik shyqpaǵanyna qaramastan, egistikti ártaraptandyrý orman qoryndaǵy bosalqy jaıylym jerler sharýalardyń ýaqytsha paıdalanýyna berý sharalarynyń nátıjesinde oblystaǵy mal basyna qajetti 3,9 mln.tn mal azyǵyn 100 % daıyndaýǵa tolyq múmkindikter bar.

Osy ýaqyt aralyǵynda ońtústik jurty birigip, batys oblystary men kórshi Qyzylorda oblysyna 70 vagonnan astam mal azyǵyn jiberdi. Bul iske «Qazaqstan temir joly» ulttyq kompanııasy qoldaý kórsetýde.


Joǵary qaraı