Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qýanysh Japaqov: Memlekettik organnyń burynǵydaı qoǵam men BAQ-tan jabyq bolýy kelmeske ketti

2021 jyldyń 26 naýryz 2021 15:13

NUR-CULTAN. QazAqparat – Sybaılas jemqorlyqqa qarsy kúres agenttiniń apparat basshysy Qýanysh Japaqov memlekettik organ basshylaryn qoǵamǵa arqa súıep jumys isteýge shaqyrdy, dep habarlaıdy QazAqparat tilshisi.

Agenttik ókiliniń aıtýynsha, memlekettik organdardyń janynan ashylǵan Adaldyq alany jobalyq keńseleri memlekettik qyzmettiń sapasyn jańa deńgeıge kótergen.

«Búginde árbir oblystyq ákimdik janynan jáne mınıstrlikter janynan Adaldyq alany jobalyq keńseleri ashylǵan. Eki jyldyń ishinde bul keńseler jemqorlyqqa qarsy aýqymdy qozǵalys deńgeıine jetip otyr. Tipti turmystyq deńgeıdegi sybaılas jemqorlyqqa qarsy kúrestiń jalpyulttyq brendine aınaldy deýge bolady. Osy ıdıaeıanyń aıasynda memlekettik organdar aýqymdy túrdi transformatsııaǵa tústi. Qazir memorgandarda qyzmet kórsetýdiń servıstik modeli jumys istep tur. Nátıjesinde túrli deńgeıdegi 300-den astam servıstik ákimdik, 2000-nan astam kedergisiz front keńse ashyldy», - dedi Qýanysh Japaqov.

Ol, sondaı-aq, budan bylaı memlekettik organdardyń tabysty jumys isteýi qoǵamnyń qanshalyqty qoldaıtynyna baılanysty bolady degen oı aıtty.

«Memlekettik organdardyń basshylary myna bir aqıqatty túsinýi kerek. Qoǵamnyń qoldaýynsyz tabysqa jetý múmkin emes. Álem endi ózgermeıdi. Búgin bárimiz ashyq jaǵdaıda qalyp otyrmyz. Burynǵydaı qoǵamnan, BAQ-tan jabyq bolý múmkin emes. Bizdiń agenttik quqyq qorǵaý organy retinde áldeqaıda konservatıvti bolýymyz kerek edi. Biraq biz kerisinshe tolyq baılanysqa esik ashyp otyrmyz. Osy arqyly óz úlgimizde basqasha jumys isteýge bolmaıtynyn kórsetkimiz keledi», - dedi agenttik ókili elordada ótken semınar keńeste.

Eske salsaq, búgin el astanasynda sybaılas jemqorlyqpen kúreske úkimettik emes uıymdar man sarapshylyq toptardy tartý máselesin talqylaǵan jıyn ótken.




Foto: www.ng.kz

Joǵary qaraı