Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qýat Hamıtovtyń soty keıinge qaldy

2021 jyldyń 20 qańtar 2021 12:46

ALMATY. QazAqparat - Erejesiz jekpe-jek sheberi Qýat Hamıtovtyń soty keıinge qaldy. Sportshy onlaın sot otyrysyna ınternet arqyly qosyla almady, dep habarlaıdy QazAqparat tilshisi.

Almaly aýdandyq sotynyń sýdıasy sportshynyń nege ınternetke qosyla almaǵanyn surady.

«Sýdıa myrza, ol tehnıkalyq sebepterge baılanysty qosyla almaı jatyr. 20 mınýt ótti, men de áreń qosyldym. Internet nashar sııaqty. Protsesti keıinge qaldyrsaq bola ma?», - dep surady sottalýshynyń advokaty.

Prokýror sot protsesin sottalýshynyń qatysýynsyz ótkizýge bolmaıtynyn aıtty.

Nátıjesinde sot otyrysy keıinge qaldyryldy.

Qýat Hamıtov QR QK 272 babynyń 3-bólimi boıynsha (bılik ókiline baǵynbaýǵa shaqyrý, jappaı quqyqbuzýshylyqqa tartý, arandatý, azamattarǵa kúsh qoldanýǵa shaqyrý) isti bop jatyr. Bas sot talqylaýy Almaly aýdandyq sotynda qaralyp jatyr.

Aıta ketý kerek, byltyr qyrkúıekte qazaqstandyq aralas jekpe-jek sheberi Qýat «Naıman» Hamıtov polıtsııa bólimshesine jetkizilgen bolatyn.

Ol áleýmettik jelide bılikke qarsy kúsh qoldanýǵa shaqyrǵan. Atalǵan derek boıynsha Qylmystyq kodekstiń 272-baby 3-bólimimen is qozǵaldy.



Avtor Gúlmıra Ǵosmanálı
Basty sózder: Almaty, Sot,
Joǵary qaraı