Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kýba EAEO elderiniń vaktsınalaý pasportyn moıyndady

2021 jyldyń 14 qazan 2021 19:22

NUR-SULTAN. QazAqparat – Kýba Prezıdenti Mıgel Dıas-Kanel Bermýdes Eýrazııalyq ekonomıkalyq odaq elderinen keletin týrıster úshin qolaıly jaǵdaı jasalatynyn aıtty, dep habarlaıdy QazAqparat tilshisi.

«Birlesken is-qımylda týrızm sektory eleýli perspektıvaǵa ıe. Bul rette Reseımen arada osy sala boıynsha jaqynda tıisti qadamdar jasaldy. EAEO-ǵa múshe elderden keletin týrıster úshin qolaıly ári tartymdy jaǵdaı jasaýǵa daıynbyz», - dedi Kýba Prezıdenti Joǵary Eýrazııalyq ekonomıkalyq keńestiń otyrysynda.

Osy oraıda ol Kýbanyń týrıstik oryndary jaıynda EAEO elderinde keńinen málimet berý turǵysynda usynys aıtty.

«15 qarashadan bastap kýbalyqtardyń 90 paıyzdan astamy vaktsınalanady. Bizdiń shekaralar birtindep ashyla bastaıdy, sondaı-aq elge keletin jolaýshylar úshin sanıtarlyq-gıgıenalyq hattama talaptary jeńildetiledi, jolaýshylardan PTR-test suralmaıdy. Vaktsınalaý týraly sertıfıkattar moıyndalady. Osy oraıda Reseıden, Belarýsten, Qazaqstannan, Qyrǵyzstannan jáne Armenııadan meımandardy kútemiz», - dedi ol.


Joǵary qaraı