Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Quqyq qorǵaýshy «Qoǵamdyq baqylaý týraly» zań jobasyna pikir bildirdi

2021 jyldyń 22 qańtar 2021 13:46

ALMATY. QazAqparat – Qazaqstandyq quqyq qorǵaýshy, zańger Jemis Turmaǵambetova «Qoǵamdyq baqylaý» týraly jańa zań jobasy týraly pikir bildirdi, dep habarlaıdy QazAqparat tilshisi.

Búgin Almatyda QR Aqparat jáne qoǵamdyq damý mınıstri Aıda Balaeva Qoǵamdyq keńes múshelerimen kezdesip, atalǵan zań jobasyn talqylady.

«Zań jobasy QR Prezıdentiniń tapsyrmasymen qarastyrylyp jatyr. Prezıdent bıyl osy zańdy qarastyrýdy tapsyrdy. Quqyqtyq saıasat týraly keńes bul zań jobasyn talqylaýdy bıylǵy sáýir aıyna belgiledi. Sondyqtan, qazir jumys qarqyndy jalǵasýy kerek. Meniń oıymsha negizgi másele tańdaý, qaıta taǵaıyndaý múmkindigi. Olar qoǵamdyq uıymdarmen az merzimge taǵaıyndalýy kerek. Osy jerde genderlik teńdik, adamnyń jasyn eskerýimiz kerek», - dedi ol.

Onyń aıtýynsha, osy máseleni sheshý úshin jergilikti organdarmen birikken jumys bolýy kerek.

«Ókinishke oraı bul máseleni ákimdik talqylamaıdy. Qoǵamdyq Damý departamenti Almaty azamattyq qoǵamynyń atynan usynys ázirleýi kerek. Zań jobasy parlamentke shyǵarylǵanda tek qana jumys toptary emes, depýtattar da qatysýy kerek. Sondyqtan, Almatydaǵy jumys tobynyń qyzmetimen tanysýǵa Almatyǵa jıirek kelse jaqsy bolar edi», - dedi ol.


Joǵary qaraı