Aýa raıy
Astana -10 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

Quqyqtyq saýatyńyzdy tanytyp, saılaý quqyǵyn paıdalanyńyz - OSK

2020 jyldyń 24 qarasha 2020 10:54

NUR-SULTAN. QazAqparat - Qazaqstan Respýblıkasy Ortalyq saılaý komıssııasy saılaýshylarǵa úndeý joldady, dep habarlaıdy QazAqparat.

Eske sala keteıik, 2021 jylǵy 10 qańtarda Qazaqstan Respýblıkasy Parlamenti Májilisiniń jáne máslıhat depýtattarynyń kezekti saılaýy ótedi.

«Eger siz daýys berý kúninde 18 jasqa tolǵan jáne belsendi saılaý quqyǵyna ıe Qazaqstan Respýblıkasynyń azamaty bolsańyz, Qazaqstan Respýblıkasy Parlamenti Májilisiniń jáne máslıhat depýtattaryn saılaýǵa quqyǵyńyz bar. Sizdiń saılaýshylar tiziminde bolýyńyz - saılaýǵa qatysýǵa konstıtýtsııalyq quqyǵyńyzdyń iske asyrylýynyń kepili. Saılaýshylar tizimin jergilikti atqarýshy organdar jasaıdy. Sizdiń naqty saılaý ýchaskesiniń aýmaǵyndaǵy turǵylyqty jerińiz boıynsha tirkelýińiz sizdi saılaýshylar tizimine engizýge negiz bolyp tabylady. Saılaý ýchaskeleriniń shekarasy jergilikti buqaralyq aqparat quraldarynda 2020 jylǵy 5 qarashadan keshiktirilmeı jarııalanady» delingen OSK úndeýinde.

Ortalyq saılaý komıssııasynyń málimetine sensek, ár saılaýshy saılaý taǵaıyndalǵan kezden bastap tıisti jergilikti atqarýshy organda saılaýshy retinde tirkelýge quqyly.

«Sizge 2020 jylǵy 10 jeltoqsanǵa deıin saılaý kúni tirkelgen jerińiz boıynsha daýys berýge arnalǵan úı-jaıǵa kelý múmkindigińiz bolmaıtyny belgili bolsa, baratyn jerińizdegi ákimdikke saılaýshylardyń tıisti tizimine qosý týraly jazbasha ótinishpen júginýge quqylysyz. Eger siz turaqty tirkelgen jerińizden tys eldi mekende bolsańyz jáne turǵylyqty jerińiz boıynsha ýaqytsha tirkelgen bolsańyz, 2020 jylǵy 10 jeltoqsannan keshiktirmeı, saılaý kúni ózińiz daýys beretin saılaý ýchaskesiniń saılaýshylar tizimine engizý týraly jazbasha ótinishpen ýaqytsha bolatyn jerdegi ákimdikke júginýge quqylysyz» deıdi komıssııa.

Sondaı-aq, ortalyq saılaý komıssııasy ár saılaýshyny quqyqtyq saýattylyq tanytyp, saılaý quqyǵyn paıdalanýǵa shaqyrady.

«Ózińizdi saılaýshylar tizimine engizý boıynsha zańdy mańyzdy áreketterdi ýaqtyly qabyldaýyńyz qajet. 2020 jylǵy 26 jeltoqsannan bastap sizge óz saılaý ýchaskeńizdegi saılaýshylar tiziminen ózińiz týraly derekterdi tekserý múmkindigi beriledi» dep túıindeıdi úndeýin ortalyq saılaý komıssııasy.





Joǵary qaraı