Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kúlekbaevtyń «araq-sharap satqan kúnáhar» kásipkerdi qalaı tonaǵany anyqtaldy

2016 jyldyń 24 qazan 2016 12:46

ALMATY. QazAqparat - Almatydaǵy teraktige qatysty ótip jatqan sot otyrysynda kásipker Vıacheslav Meerıkov Rýslan Kúlekbaevtyń qalaı shabýyl jasaǵanyn aıtyp berdi, dep habarlady QazAqparat tilshisi.

«23 qazan kúni 2015 jyly keshki ýaqytta Rýslan Kúlekbaev meni 13 shaǵyn aýdandaǵy 4 úıdegi kire beriste kútip turǵan. Ol maǵan travmatıkalyq qarýdan 5 ret oq atyp, sómkemdi alyp ketti. Sómkede quny 110 000 teńge turatyn iPad 2 plansheti boldy. Urlanǵan sómke 40 000 teńge, barlyǵy 150 000 teńge materıaldyq shyǵyn keltirdi», - dedi kásipker.

Kásipkerge deıin sotta aıyptaý aktisin oqyǵan prokýror Baqashbaev Kúlekbaevtyń isine qatysty 5 sottalýshynyń osy qylmystyq isti Kúlekbaevpen sóz baılasý arqyly júzege asyrǵanyn aıtqan bolatyn.

Prokýror J.Saparbekov, D.Ásembekuly, E.Qusaıynov Kúlekbaev atalǵan qylmysty júzege asyrýyna jaǵdaı jasap, bógde adamdardyń jaqyndamaýyn qadaǵalap turǵanyn aıtty.

Sotta, prokýrordyń aıtýynsha, Kúlekbaev qylmystyq tobyndaǵylarǵa Mereıkovtyń araq-sharap satýmen aınalysatynyn, ony tonaý kúná emes, kerisinshe, ol kúnáhar ekenin aıtyp, óziniń dinı kózqarasyn bildirip, ózgelerdi úgittegen.

Sotta tergeýde anyqtalmaǵan Mıras esimdi bireýden Mereıkovtyń 5-6 mln teńgeni ózimen tasymaldap júretinin bilip, qarýly shabýyldy josparlaǵany aıtyldy. Alaıda, Mereıkov sotta avtobólshekter satýmen aınalysqanyn, ondaı kóp mólsherdegi qarajatty bank ınkassatsııasy arqyly ǵana júzege asyrǵanyn jetkizdi.

Joǵary qaraı