Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kúlekbaevtyń sybaılastaryna qatysty úkim shyqty

2016 jyldyń 2 qarasha 2016 11:52

ALMATY. QazAqparat - Búgin Almatydaǵy LA 155/18 tergeý abaqtysynda terakt uıymdastyryp, 10 adamnyń ómirin qıǵan Rýslan Kúlekbaevqa jáne onyń sybaılastaryna qatysty sot úkimi shyqty.

Almaty qalasy qylmystyq ister jónindegi mamandandyrylǵan aýdanaralyq sotynyń sýdıasy Erlan Bolatov sot úkimin oqydy.

Buǵan deıin habarlaǵanymyzdaı, sýdıa Kúlekbaevqa terakt jasaǵany úshin ólim jazasyn taǵaıyndady. Sonymen qatar, R.Kúlekbaevpen birge sotqa atys qarýyn zańsyz saqtap, ózimen birge alyp júrip, daıyndap, R.Kúlekbaevpen birge kásipker Meerıakovtiń úıine qaraqshylyq shabýyl uıymdastyrǵan R.Lıý, J.Saparbekov, D.Ásembekuly, E.Qusaıynov, N.Ábdimomyndarǵa qatysty sot úkimi oqyldy.

Sot úkimimen Rafık Lıý QR QK 188-babynyń 4-bóligi, 288-babynyń 1-bóligi, 287-babynyń 4-bóligimen kináli dep tanylyp, túpkilikti jeke múlki tárkilenip, 9 jyl 6 aıǵa bas bostandyǵynan aıyryldy. Jazasyn túzeý kolonııasynyń qatań rejiminde óteý belgilendi.

Jasulan Saparbekov QR QK 192-b.4-b; 287-b, 4-b kináli dep tanylyp, jeke múlki tárkilenip, túpkilikti 10 jyl 6 aıǵa bas bostandyǵynan aıyrý jáne jazany túzeý kolonııasynyń qatań rejiminde óteý taǵaıyndaldy.

Erbol Qusaıynov QR QK 192-babynyń 4-bóligi 2-tarmaǵy boıynsha kináli dep tanylyp, jeke múlki tárkilenip, 10 jylǵa bas bostandyǵynan aıyrý jazasy taǵaıyndaldy. Jazasyn túzeý kolonııasyn qatań rejiminde óteıtin bolady.

Dáýren Ásembekuly QR QK 192-babynyń 4-bóligi 2-tarmaǵy boıynsha kináli dep tanylyp, jeke múlki tárkilenip, 10 jyl bas bostandyǵynan aıyryldy.

Nursultan Ábdimomynǵa QR QK 187-babynyń, 4-bóligi boıynsha kináli dep tanylyp, 3 jylǵa bas bostandyǵynan aıyrý jazasy taǵaıyndaldy. Jazasyn jalpy rejimdegi kolonııada óteıdi. Kepil retinde alynǵan bultarpaý sharasy ózgerip, sot zalynan qamaýǵa alyndy.

«Kepil retinde alynǵan múlik zańdy ıelerine qaıtarylsyn», - dedi Úkimdi oqyǵan sýdıa Erlan Bolatov.

Aıta keteıik, búgin sýdıa Erlan Bolatov Rýslan Kúlekbaevqa qatysty sot úkimin oqydy.

«R.Kúlekbaevqa QR Qylmystyq kodeksiniń (QR QK) 255-baby, 4-bóligi (lańkestik akt), 99-baby, 2-bóligi (eki nemese odan da kóp adamdy óltirý), 24-babynyń 3-bóligi (óltirý úshin shabýyl jasaý), 192-b. 4-b. (top adamǵa qaraqshylyq shabýyl), 287-b. 4-t. (zańsyz qarý tasymaldaý), 288-b. 2-b. (qarýdy zańsyz jasaý), 287 babynyń 4-bóligimen, 291-b. 4-b. (qarý urlaý), 200-b. 4-b. (kólik urlaý), 126-b. 2-b. (adamdy zańsyz bas bostandyǵynan aıyrý) boıynsha, 58-babynyń 4-bóligin basshylyqqa alyp, jeke múlki tárkilenip, ólim jazasy taǵaıyndalsyn», - dedi úkimdi oqyǵan sýdıa Erlan Bolatov.

Avtor Serik Joldasbaı
Basty sózder: Sot, Almatydaǵy terakt, Almaty,
Joǵary qaraı