Aýa raıy
Astana 13 °S
Almaty 14 °S
valıýta baǵamy
USD 385.16
EUR 425.95
RUB 6.01
CNY 54.51

Qumar Aqsaqalov: Bizdiń mindetimiz oqýshylardyń sapaly bilim alýyna jaǵdaı jasaý

2019 jyldyń 23 tamyz 2019 22:28

PETROPAVL. QazAqparat – Petropavlda ótken oqý jylyn qorytyndylap, bolashaqqa baǵdar bergen ustazdardyń dástúrli tamyz konferentsııasy ótti, dep habarlaıdy QazAqparat tilshisi.

SQO ákimi baspasóz qyzmetiniń habarlaýynsha, muǵalimderdiń tamyz konferentsııasyna óńir basshysy Qumar Aqsaqalov qatysty. Jyl sanap bilim salasyna bólingen qarjy ósip keledi. Sońǵy 3 jylda qarjy kólemi 29% ulǵaıdy. Bıyl bilim salasyna 30% jumsaldy. Bunyń barlyǵy jańa mektepter salyp, kúrdeli jóndeý júrgizýge, ınfraqurylymdy jańǵyrtyp, ǵylymdy damytýǵa kómektesedi. Bıyl «Jas órken» jáne «Bereke» yqsham aýdandarynda jańa eki mektep paıdalanýǵa berilmek. Oblystyń 296 bilim ordasy jóndeldi. Bul byltyr jóndeý jumystaryna bólingen qarajatpen salystyrǵanda 12 ese artyq.

«Bıyl elimizde 323 mektep kúrdeli jóndeýden ótti, onyń ishinde 130 mektep SQO-da ornalasqan. Bul - barlyq mektepterdiń 40%. Bizdiń basty mindetterimizdiń biri – oqýshylardyń sapaly bilim alýyna qolaıly jaǵdaı jasaý», - dedi Qumar Aqsaqalov.

Óńir basshysy basqa da basym baǵyttarǵa toqtaldy. Onyń ishinde jas mamandardyń aýyldarda ornyǵýy, memlekettik-jekemenshik áriptestik aıasynda jobalardy júzege asyrý, úsh aýysymdyq mektepterdi joıý, pedagog statýsyn joǵarylatý bar.

Oblys ákimi jýyrda Petropavlda jańa aýtızm ortalyǵynyń ashylatynyn aıtty. Sondaı-aq, ár aýdanda ınklıýzıvti ortalyqtardy ashýǵa tapsyrma berdi.

«Petropavlda «Aýtızm. Álem bárine bir» atty ortalyq ashylady. Ol jerde úsh ınklıýzııa kabıneti jumys isteıdi. Qazir oblystyń aýdandarynda birde-bir ınklıýzııa kabıneti joq. Ár aýdanda osyndaı resýrstyq klastar ashýdy tapsyramyn. Bul jumysqa metsenattardy tartqan durys», - dedi óńir basshysy.

Joǵary qaraı