Aýa raıy
Astana 8 °S
Almaty 11 °S
valıýta baǵamy
USD 412.55
EUR 468.66
RUB 5.79
CNY 58.80

Qumar Aqsaqalov: Jerden yrzyq tapqan sharýalar aýyldyń kórkeıýine úles qosýy kerek

2020 jyldyń 5 tamyz 2020 04:13

PETROPAVL. QazAqparat – Soltústik Qazaqstan oblysynda bıyl 270 eldi mekende jóndeý jumystary júrgizilip jatyr. Qumar Aqsaqalov kásipkerlerdi áleýmettik jaýapkershilik tanytyp, aýyldardy kórkeıtýge at salysýǵa shaqyrdy, dep habarlaıdy QazAqparat tilshisi.

SQO ákimi Qumar Aqsaqalovtyń aıtýynsha, aýyl sharýashylyǵyn damytýǵa memleketten qarjylaı qoldaý bar. Naryqta bıdaı baǵasy da byltyrǵymen salystyrǵanda 38% artqan. Búginde bıdaıdyń tonnasy – 82,5 myń teńge, arpa – 62,2 myń teńge, zyǵyr – 179,2 myń teńge, raps 176,5 myń teńge turady.

«Aýyl sharýashylyǵy taýaryn óndirýshiler qarsy mindettemelerdi umytpaýy qajet. Bıyl bul sala jumysshylarynyń eńbekaqysy eń keminde 20% ósýi kerek. Sondaı-aq sharýalar eldimekenderdi jańǵyrtý jáne abattandyrý jumystaryna belsendi qatysýlary tıis. Qazir 270 aýylda aǵymdaǵy jóndeý jumystary júrgizilip jatyr. Olardyń qataryn jan-jaqty qoldaý kórip otyrǵan bizdiń kásipkerlerdiń áleýmettik jaýapkershiligi arqasynda arttyra alamyz. Alda áli eki aı bar. Osy aralyqta eldimekenderdi qoqystan, jartylaı buzylǵan ǵımarattardan tazartý qajet», - deıdi Qumar Aqsaqalov.

Óńir basshysynyń pikirinshe, memleketten qoldaý jaqsy bolǵanymen, sony túsinbeıtinder, yrzyq-nesibesin kórip otyrǵan jerge júrdim-bardym qaraıtyndar da bar. Búginde sýbsıdııa jerdi baptaǵandarǵa da, oǵan durys qaramaıtyndarǵa da berilip keledi.

«Jermen jumys isteıtin sharýalarǵa sýbsıdııa bólý tártibi qaıta qaralýy kerek. Іsine shala qaraıtyn kásipkerlerdi qoldaýdyń qajeti joq. Keshendi túrde jumys istep, tuqymdy jáne tehnıkany jańalaıtyn, mıneraldy tyńaıtqysh paıdalanatyn, nátıjesinde jaqsy ónim alatyndarǵa ǵana kómektesý kerek. Bul másele jaqynda qaralýy kerek», - deıdi oblys ákimi.


Joǵary qaraı