Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kún saıyn besqabatty úıdiń halqyna teń adamdy jerlep jatyrmyz - ınfektsıonıst

2021 jyldyń 4 tamyz 2021 18:54

NUR-SULTAN. QazAqparat – Ortalyq kommýnıkatsııalar qyzmetinde ótken brıfıngide joǵary sanatty ınfektsıonıst dáriger, medıtsına ǵylymdarynyń kandıdaty koronavırýs qurbandary «jasaryp» bara jatqanyn aıtty, dep habarlaıdy QazAqparat tilshisi.

«Sońǵy aıda, statsıonarlyq kómekke degen qajettilik aıtarlyqtaı ósken kezde, elordada kún saıyn 300-den astam adam aýrýhanaǵa jatqyzyldy. Olardyń 10-15% reanımatsııaǵa tústi. Kún saıyn birneshe adamnan aıyrylyp otyrdyq. Búgingi statıstıka da ońyp turǵan joq. Bir táýlikte Qazaqstan boıynsha koronavırýs ınfektsııasy rastalǵan 149 adam qaıtys boldy. Olardyń bári vaktsına almaǵan. 149 adam degenińiz bes qabatty, tórt podezdi úıdiń turǵyn sanyman shamalas. Bir táýlikte tutas bir turǵyn úıdiń adamy qaıtys boldy degen sóz. Bulaı kete berse, áli bir kúnde bir aýyldan, keıin bir shaǵynaýdannyń halqyna teń adamnan aıyrylamyz. Ol bireýdiń ata-anasy, bireýdiń balasy bolýy múmkin», - dedi ınfektsıonıst maman.

Dáriger indetpen reanımatsııaǵa túskenderdiń arasynda tipti jasqa tolmaǵan sábılerdiń bar ekenin eske saldy.

«Elordada bir jasqa deıingi, balabaqsha jasyndaǵy balalar reanımatsııaǵa, ókpeni jasandy jeldetý apparattaryna túsip jatyr. Biz 60-tan asqan naýqastardyń kóz jumatynyna boı úırete bastaǵan sııaqtymyz. Qazir 20-25 jastaǵy naýqastar da reanımatsııa tóseginen turmaı qalyp jatyr. Bul óte qorqynyshty, ásirese balalar qaýipke dýshar», - degen maman keleshekte vaktsınanyń kapsýladaǵy túrleri de shyǵýy múmkin ekenin rastady.

«Vaktsınalar ekpe túrinde ǵana emes, kapsýla túrinde, basqa da formada bolýy múmkin. Biraq onyń Qazaqstanda paıda bolýyn kútip otyrýdyń qajeti joq. Jańa ǵana aıtqanymdaı, kún saıyn bir turǵyn úıdiń adamyn jerlegimiz kelmese, vaktsınatsııa múmkindigin barynsha paıdalanýymyz kerek», - dedi Sáýle Atyǵaeva.


Joǵary qaraı