Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kún saıyn elorda dárihanalarynda esirtki tektes 1 myńnan astam dári-dármek satylady

2022 jyldyń 13 mamyr 2022 17:07

NUR-SULTAN. QazAqparat – Elorda dárihanalarynan esirtkige táýeldilikti týdyratyn preparattardyń kóbisin retseptisiz alýǵa bolady. Sonymen qatar dári-dármekti kishkentaı balaǵa deıin erkin satyp alady eken. Atalǵan máseleni Nur-Sultan qalasy bilim basqarmasynyń basshysy Qasymhan Senǵazıev kóterdi, dep habarlaıdy QazAqparat tilshisi.

«Balalar men jasóspirimderdi nashaqorlyq pen qumar oıyndardan aýlaq etý bizdiń basqarmanyń basty jumys baǵyttarynyń biri. Atalǵan problemamen kúresý maqsatynda aldyn alý sharalary turaqty túrde ótedi. Atap aıtqanda, «Nur-Sultan – esirtkisiz qala» atty 2022-2025 jyldarǵa arnalǵan keshendi jospar aıasynda kámelet jasyna tolmaǵandar arasynda nashaqorlyqqa qarsy aktsııalar uıymdastyrylýda. Sonymen qatar qala mektepteri men kolledjderde aqparattyq buryshtar ilingen», - dedi Qasymhan Senǵazıev qalalyq máslıhattyń otyrysynda jasaǵan baıandamasynda.

Bilim basqarmasy basshysynyń aıtýynsha, atalǵan baǵyttaǵy jumysqa ata-analar da tartylyp jatyr.

«Esirtkini taratý men qoldanýǵa qatysty problemanyń baryn aıta ketý kerek. Kún saıyn elorda dárihanalarynda eskirtkige mas bolýdy týdyratyn 1 myńnan astam dári-dármek satylady. Preparattardyń kóbisin retsepsiz alýǵa bolady. Tipti kishkentaı bala da dári-dármekti erkin satyp ala alady. Osy oraıda atalǵan máselege jiti kóńil bólý kerek. Atalǵan preparattardy qabyldaý kezinde esirtkige 100 paıyz táýeldilik týyndaıdy. Al onyń saldaryn kásibı kómeksiz joıý múmkin emes», - deıdi ol.

Sondaı-aq, spıker esirtki qoldanatyn jasóspirimderdi anyqtaý maqsatynda turaqty monıtorıngtiń júrgiziletinin aıtty.

«Búginde elordada esirtki psıhotroptyq zattaryn qoldanǵan, kámelet jasyna tolmaǵan 5 tulǵa tirkeldi. Onyń ishinde bireýi 14 jasta, qalǵany 15 pen 17 jas aralyǵyndaǵy jasóspirimder. Aıta keteıik, balalar men ata-analar «111» koll ortalyǵy arqyly kómekke júgine alady», - dedi Q. Senǵazıev.


Avtor Álı Ibraev
Basty sózder: Medıtsına, Densaýlyq, Qoǵam, Nur-Sultan,
Joǵary qaraı