Kún sýytýyna baılanysty Taraz ben Shymkent arasynda jol jabyldy
TÚRKІSTAN.QazAqparat – Elimizdiń ońtústiginde aýa raıynyń kúrt sýytýyna baılanysty «Almaty- Tashkent» tasjoly jabyldy. Bul týraly Túrkistan oblystyq tótenshe jaǵdaılar departamenti resmı málimet taratty, dep habarlaıdy QazAqparat tilshisi.
28 qarasha saǵat 12:30-dan bastap respýblıkalyq mańyzy bar A-2 «Qorǵas - Almaty - Taraz - Shymkent - Tashkent» avtomobıl jolynyń 593-618, 618-654 shaqyrymynda (Shaqpaq - Shuqyrbulaq, Shuqyrbulaq – Mashat asýy aralyǵynda) aýa raıynyń kúrt ózgerýine baılanysty barlyq kólik túrine júrýge tyıym salyndy.
«Túrkistan oblysy jáne qonaqtary, sizderden uzaq jolǵa shyqpaýlaryńyzdy ótinemiz» delingen TJD baspasóz qyzmetiniń habarlamasynda.
