Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kúni-túni janymyzda: Koronavırýspen aýyryp jatqan naýqastar dárigerler týraly

2022 jyldyń 24 qańtar 2022 21:25

NUR-SULTAN. QazAqparat - Tynys alý qıyndaǵan kezde jumys isteıtin apparattar, naýqastardyń densaýlyǵyna alańdaıtyn dárigerler, satýratsııany tekserý, jaqsylyqtan úmittený. Munyń bári qazir kovıdtik aýrýhanalarda kezdesetin kúndelikti jaǵdaı.

Elordalyq dárigerler qalalyq juqpaly aýrýlar ortalyǵynyń eresekter korpýsyndaǵy jaǵdaı týraly baıandap berdi, dep habarlaıdy QazAqparat elorda ákimdiginiń baspasóz qyzmetine silteme jasap.

Vıdeoda patsıentterdiń biri qalaı demalyp jatqany, ásirese tereń tynystaýǵa tyrysqanyn anyq kórýge bolady. Alaıda naýqas úshin arnaıy apparatsyz tynys alý ońaı emes. Kadrlardyń taǵy birinde dárigerlerdiń naýqaspen sóılesip, qolyn ustap, demeý berip jatqanyn kórýge bolady.

Naýqastardyń biri – Erjan Baıtúgelov statsıonarda emdelip jatyr. Ol dárigerlerdiń janynda bolatynyn ári únemi qoldap otyratynyn atap ótti.

«Munda kelgen kezde ókpemniń 20%-y zaqymdanypty. Onyń aldynda apta boıy dene qyzýym túspeı qoıdy. Aýrýhanaǵa túsken sátten bastap dárigerler kúndiz-túni qasymyzda bolyp, emdelip, aman-esen shyǵýymyzǵa kómek kórsetip júr. Búgin táýir bolyp qaldym. Amandyq bolsa emdelip, shyǵamyz. Qoldaý kórsetkenderińiz úshin bárińizge alǵys aıtamyn», - deıdi vıdeoda Erjan Baıtúgelov.

Eske sala keteıik, elordada epıdemıologııalyq jaǵdaıdyń nasharlaýyna baılanysty 2 200 orynǵa deıin qosymsha ınfektsııalyq tósek-oryn ashylǵan bolatyn. Sondaı-aq, naýqastardyń kúrt ósýine jáne «Omıkron» shtamynyń paıda bolýyna baılanysty patsıentter sany ambýlatorııalyq deńgeıde 47 600-den astam adamǵa artty.

Dárigerler osyǵan baılanysty kezekti ret dabyl qaǵyp otyr, óıtkeni tósek oryndary tez tolyp jatyr. Medıtsına qyzmetkerleri bul joly da ekpe alýǵa shaqyrdy, sol sııaqty onyń tıimdiligi men aýrýdyń aýyr aǵymyna qarsy turýdy atap ótti.





Basty sózder: Nur-Sultan, Medıtsına, Densaýlyq,
Joǵary qaraı