Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kúnine 2500 shaqyrtý: Astanada mobıldi brıgadalardyń jumysy qalaı ózgerdi

2022 jyldyń 17 qańtar 2022 16:11

NUR-SULTAN. QazAqparat - Elordada medıtsınalyq-sanıtarlyq alǵashqy kómek (MSAK) uıymdary janyndaǵy mobıldi brıgadalar táýlik boıy jumys istep jatyr, dep habarlaıdy QazAqparat Nur-Sultan ákimdiginiń resmı saıtyna silteme jasap.

Mobıldi brıgadalar táýlik boıǵy kezekshilikke qalada koronavırýsqa qatysty epıdemıologııalyq ahýaldyń nasharlaýyna baılanysty kóshirildi. Turǵyndardan túsetin qońyraýlar sany 2 ese artqan. Bir kúnde bir ǵana MSAK uıymy 70-80-nen astam ambýlatorııalyq patsıentke barady.

Elorda turǵyndary mobıldi brıgadalardyń jumysyna oń baǵa berip, olardyń jaýaptylyǵyn jáne kórsetken kómegin atap ótýde.

«Mende koronavırýs anyqtaldy, búgin emhanadan brıgada keldi. Mundaı aýrýdan keıin eshqaıda shyǵýǵa bolmaıdy jáne oqshaýlaný tártibin saqtaý kerek. Ózimmen turatyn barlyq týysym PTR tapsyryp, testiden ótti. Dárigerlerge naýqasty jalǵyz qaldyrmaǵany úshin alǵys aıtamyn. Barlyq medıtsına qyzmetkerine myqty densaýlyq pen amandyq tileımin», - dedi №3 qalalyq emhananyń naýqasy Arman Ámirbekov.




Taǵy bir qala turǵyny medıtsına qyzmetkerleri jyldam kelgenin aıtyp otyr.

«Men mobıldi brıgadany shaqyrdym. Sebebi KVI boıynsha baılanysta boldym – týysymnan vırýs anyqtaldy. Brıgada jyldam jetti. Brıgada dárigeri Aqmaralǵa óte rızamyn, ol ózin qalaı ustaý kerektigin jáne jaǵdaı nasharlaǵan kezde ne isteý qajettigin egjeı-tegjeıli túsindirdi. Maǵan eńbekke jaramsyzdyq paraǵyn berdi. Dárigerlerge raqmet!» - deıdi elorda turǵyny Aıda Sabyrjanova.




Qalalyq emhanalardyń biriniń dárigeri kesteni qaıta qaraǵannan keıin olardyń jumysy qalaı ózgergenin aıtty.

«Iá, syn-qaterler artty, júkteme artty. Emhana kúnine 70-ten astam shaqyrtýǵa shyǵady. Bárine birdeı úlgerý múmkin emes. Biraq patsıentterge barynsha jyldam jetýge tyrysamyz. Taǵy da qıyn kezeńdi bastan ótkerip jatyrmyz, sondyqtan barlyq qyzmetterdiń jumysyna túsinistikpen qaraýdy suraımyz», - deıdi №4 qalalyq emhananyń jalpy praktıkalyq dárigeri Natalıa Markvart.

Búginde qala boıynsha 26 myńnan astam adam ambýlatorlyq jaǵdaıda emdelýde. Onyń ishinde júkti áıelder – 500-den astam, balalar – 1 500.


Joǵary qaraı