Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kúnsulý Zakarııa: Bıologııalyq qaýipsizdikti boljaý ulttyq júıesin qurý ýaqyt talaby

2021 jyldyń 3 qyrkúıek 2021 10:43

NUR-SULTAN. QazAqparat - Bıologııalyq qaýipsizdikti boljaý ulttyq júıesin qurý ýaqyt talaby. Mundaı pikirdi QR Prezıdentiniń Joldaýyna oraı QazVac vaktsınasyn ázirleýshi Kúnsulý Zakarııa bildirdi, dep habarlaıdy QazAqparat tilshisi.

Memleket basshysy Qasym-Jomart Toqaev «Halyq birligi jáne júıeli reformalar – el órkendeýiniń berik negizi» atty halyqqa Joldaýynda Bıologııalyq qaýipsizdik problemalary ınstıtýty ǵylymdary ázirlegen jáne óndirgen otandyq QazVac vaktsınasyn joǵary baǵalaı kele: «Qazaqstan – koronavırýsqa qarsy vaktsına jasap shyǵarǵan álemdegi sanaýly memlekettiń biri. Bizdiń vaktsınamyzdyń tıimdi ári qaýipsiz ekenine esh kúmán joq. Qazir QazVac-qa ózge memleketter de suranys bildirýde» dep atap ótti. Bıologııalyq qaýipsizdik problemalary ǴZI ujymy Memleket basshysynyń Joldaýyn, ásirese elimizdiń bıologııalyq qaýipsizdik máselelerin kúsheıtý týraly tapsyrmasyn ystyq yqylaspen qabyl aldy. Qazirgi ýaqytta eldiń bıologııalyq qaýipsizdigin boljaý ulttyq júıesin qurý – bul ýaqyt talaby. Atalǵan júıe bıologııalyq qaýipsizdikke tónýi múmkin qaýip-qaterge shuǵyl áreket etýge múmkindik beredi», - dedi Kúnsulý Zakarııa.

Sonymen qatar ǵalym «Salamatty ult» ulttyq jobasy aıasynda keminde 12 zerthana joǵary tehnologııaly quraldarmen jabdyqtalatyndyǵy aıtylǵandyǵyn atap ótedi.

«Bul óte mańyzdy. Óıtkeni,memlekettiń basty mindeti - azamattardyń densaýlyǵyn qamtamasyz etý. Memleket basshysy tapsyrmasy sanıtarlyq-epıdemıologııalyq zerthanalardy halyqaralyq standarttar deńgeıine arttyrýǵa jáne otandyq farmatsevtıka salasyn kóterýge múmkindik beredi. Keshe Premer-Mınıstrdiń orynbasary Eraly Toǵjanovtyń basshylyǵymen Bıologııalyq qaýipsizdik máseleleri jónindegi keńestiń otyrysyna qatystyq. Onda Memleket basshysynyń Qazaqstan halqyna Joldaýyndaǵy eldiń bıologııalyq qaýipsizdigin qamtamasyz etýge qatysty bergen tapsyrmasy talqylandy. Bıologııalyq qaýipsizdik problemalary ǴZI Memleket basshysynyń bıologııalyq qaýipsizdikti qamtamasyz etýge jáne farmatsevtıka salasyn damytýǵa qatysty saıasatyn tolyqtaı qoldaıdy ári árbir tarmaǵyna Qazaqstannyń damýy men bolashaǵy úshin óz úlesin qosýǵa daıyn», - dedi ol.


Joǵary qaraı