Aýa raıy
Astana 11 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Qur sýmen dezınfektsııa jasap júr: Shymkent ákimdigi jelide taraǵan vıdeoǵa jaýap berdi

2020 jyldyń 29 shilde 2020 23:56

ShYMKENT. QazAqparat - Keshe áleýmettik jelilerde Shymkent kóshelerinde mamandardyń dezınfektsııalyq quraldyń ornyna jaı sý shashyp júrgeni týraly vıdeo taraǵan edi. Osyǵan baılanysty búgin Shymkent qalasy aqparat-kommýnıkatsııa ortalyǵynda ótken brıfıngte atalmysh beınejazbaǵa qatysty saýaldarǵa Shymkent qalasy taýarlar men kórsetiletin qyzmettterdiń sapasy men qaýipsizdigin baqylaý departamenti basshysynyń orynbasary Ǵalymjan Ábishev pen Shymkent qalalyq energetıka jáne kommýnaldyq sharýashylyq basqarmasy basshysynyń orynbasary Bolat Malımov jaýap berdi.

«Sirke qyshqyly qospasy kópqabatty turǵyn úı aýlasyna (1156 aýla) jáne halyq kóp shoǵyrlanatyn qoǵamdyq oryndarǵa arnaıy sý shashatyn qurylǵymen sebiledi. Jumys kontsentratsııasynda qoldanylatyn (0,001–0,03%) NÝK eritindileriniń ótkir ıisi joq, jergilikti titirkendirgish, sensıbılızatsııalaıtyn jáne kýmýlıatıvti áseri joq jáne tynys alý organdaryna travmatıkalyq áser etpeıdi. ıAǵnı, suıyltylǵan, ýyty az zat. Qazirgi tańda qalany zalalsyzdandyrý jumysyna eki túrli qospa qoldanylyp júr. Atap aıtqanda, gıpohlorıd kaltsıı 35% (hlor) jáne sirke qyshqyly. Joǵaryda atalǵan eki qospanyń da tıisti saraptamalyq qorytyndysy bar», – dedi B.Malımov.

ıAǵnı, beınejazbada kórsetilgen Eńbekshi aýdanynda áskerıler jasaǵan dezınfektsııa jumysyna sirke qyshqyly qoldanylǵan. Mamandardyń aıtýynsha, munyń sýmen aralasqannan keıin ıisi bolmaıdy, túsi de ózgermeıdi. Adam aǵzasyna keri áseri joq, qorshaǵan ortaǵa qaýipti emes.

Bir tıimdiligi - bakterııalardy tez arada óltiredi. Aıta keteıik, atalǵan suıyqtyq dúnıejúzilik densaýlyq saqtaý uıymymen bekitilgen, arnaıy sertıfıkaty bar. Biraq beınejazba barysynda bul jóninde áskerıler der kezinde jaýap bere almaǵan.

Áskerılerdiń beınejazba avtorynyń saýaldaryna jaýap bere almaýynyń sebebi - olardyń qurylǵysyna sirke qyshqyly aralasqan arnaıy sýdy ákep beredi eken.

Jaýaptylardyń sózine sensek, sirke qyshqylyn elimizdiń ózge de óńirlerinde koronavırýsqa qarsy keńinen qoldanyp jatyr. Búginde nátıjesi de jaman emes.

– Qazirgi tańda Shymkent qalasynda indettiń ósý dınamıkasy tómendeýde. Bul – atqarylyp jatqan sanıtarlyq jumystardyń nátıjesi. Al áleýmettik jelide taralǵan beınejazba jaıynda aıtsam, zalalsyzdandyrý zattaryn qarapaıym halyq paıdalanýǵa bolmaıdy. Dezınfektsııalyq zattardyń úsh túri bolady. Dezınfektsııa mıkroorganızimderge, dezıntsektsııa jándikterge jáne úshinshi túri – deratızatsııa, – dedi Ǵ.Motaıuly.

Sondaı-aq, brıfıngte áleýmettik jelide beınejazba avtoryna arnaıy túsindirme jumysy júrgizilgeni jáne dezınfektsııalyq zattardyń saraptamalyq qorytyndysy bar ekeni aıtyldy.

Sonymen qatar BAQ ókilderi tarapynan qosymsha qoıylǵan suraqtarǵa jan-jaqty jaýap berildi.



Joǵary qaraı