Aýa raıy
Astana 0 °S
Almaty 16 °S
valıýta baǵamy
USD 389.59
EUR 429.06
RUB 6.05
CNY 55.07

Kúres túrlerinen ÁCh: Búgin úsh balýanymyz shırek fınalǵa jetpeı súrindi

2019 jyldyń 15 qyrkúıek 2019 16:07

NUR-SULTAN. QazAqparat - Kúres túrlerinen elordada ótip jatqan álem chempıonatynyń ekinshi kúni beldesýge shyqqan úsh balýanymyz da shırek fınalǵa shyqpaı súrindi, dep habarlaıdy QazAqparat tilshisi.

Osyǵan deıin habarlaǵanymyzdaı 67 kelide beldesken Meırijan Shermahanbet alǵashqy aınalymda amerıkalyq Ellıs Koýlmannan aılasyn asyra alǵan joq. Ol qarsylasyna 2:10 esebimen jol berdi. Birinshilik bastalmaı turyp, bapkerler osy Meıirjannan medal kútetini týraly aıtqan bolatyn. Endi ol amerıkalyq Ellıs Koýlman fınalǵa shyqsa ǵana jubanysh beldesýine qatysyp, qola medalǵa talasý múmkindigi bar.

87 kelide synǵa túsken Azamat Kústibaev birinshi beldesýin jeńispen bastaǵan edi. Ekinshi beldesýinde de frantsııalyq Halıs Gılmandy 7:1 esebimen utyp, jankúıerlerin bir jelpindirip tastady. Alaıda, shırek fınal joldamasyna talasta Kústibaev kýbalyq Denıel Grıgorıchke ese jiberdi. Beldesý 1:1 esebimen teń aıaqtalsa da, sońǵy upaıdy ıelengen Denıel jarysty ary qaraı jalǵastyrý múmkindigine ıe boldy.

Al 97 kelide synǵa túsken Erulan Ysqaqov birinshi beldesýinde ázirbaıjandyq Orhan Nýrıevti 2:1 esebimen jeńgenimen, ekinshi beldesýinde grýzııalyq Georgıı Melııden utylyp qaldy.

Aıta keteıik, aldaǵy saǵattarda 55, 63, 72, 82 keli salmaq dárejesindegi jeńimpazdar men júldegerler anyqtalady. Onda 55 keli salmaqta el namysyn qorǵap jatqan balýanymyz Qorlan Jaqansha altyn medal úshin synǵa túsedi.



Foto: olympic.kz


Avtor Kúnsultan Otarbaı
Basty sózder: Nur-Sultan, Sport,
Joǵary qaraı