Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qurlyqtyq hokkeı lıgasy: «Barys» «Avangardqa» ese jiberdi

2021 jyldyń 14 qazan 2021 01:05

NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn Reseıde «Avangard» (Omby) komandasyna qarsy ótkizdi, dep habarlaıdy QazAqparat tilshisi.

Kezdesý barysynda reseılik hokkeıshiler senimdi oıyn kórsetti. Dese de birinshi kezeńde esep ashylǵan joq.

Ekinshi kezeńniń 32-mınýtynda reseılik komandadan Korban Naıt mergendik tanytty. Al 39-mınýtta olardyń qatarynan Alekseı Emelın esepti ústemeleı tústi.

«Barys» sapynan 49-mınýtta Nıkıta Mıhaılıs kózdegen nysanadan múlt ketken joq. Alaıda elordalyq klýb qaqpasyna reseılik Alekseı Bereglazov 50, Aleksandr Dergachev 59-mınýtta eki gol soqty.

Elordalyq klýb osylaısha qarsylasynan 1:4 esebimen ese jiberdi.

Eske salsaq, 6 qazanda «Barys» elordada «Avangardtan» basym túsken bolatyn.

Endi «Barys» kelesi kezdesýin 15 qazanda Qytaıdyń «Kýnlýn Red Star» komandasyna qarsy ótkizedi.

Eki komanda búginge deıin 60 márte sheberlik baıqasty. Onyń 22-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.


Avtor Ádiljan Úmbet
Basty sózder: Sport,
Joǵary qaraı