Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qurlyqtyq hokkeı lıgasy: «Barys» Belarýstyń «Dınamosymen» kezdesedi

2021 jyldyń 19 qazan 2021 01:56

NUR-SULTAN. QazAqparat - Búgin «Barys» Qurlyqtyq hokkeı lıgasyndaǵy kezekti oıynyn Belarýstiń «Dınamo» (Mınsk) komandasymen ótkizedi, dep habarlaıdy QazAqparat tilshisi.

Kezdesý elorda ýaqytymen 22:10-da bastalyp, «Qazsport» telearnasynan tikeleı efırde kórsetiledi.

Eki komanda búginge deıin 25 márte sheberlik baıqasty.

Onyń 12-i «Barystyń» basymdyǵymen aıaqtalsa, qalǵanynda belarýstik klýbtyń mereıi ústem boldy.

Eki komanda arasyndaǵy sońǵy bes kezdesýdiń úsheýinde qazaqstandyq klýb jeńiske jetti. Degenmen keıingi eki oıynda atalǵan qarsylasyna ese jiberip qoıdy.

«Barys» bıylǵy týrnırdiń sońǵy alty kezdesýiniń tórteýinde jeńiske jetip, qalǵanynda qarsylastarynan jeńildi.

Al «Dınamo» alty oıynnyń beseýinde mereıi ústem boldy.

Aıta ketsek, qazaqstandyq klýb budan buryn Reseıdiń SKA (Sankt-Peterbýrg) komandasynan býllıtte basym tústi.

Al «Dınamo» Reseıdiń «Admıral» (Vladıvostok) klýbyn súrindirdi.



Avtor Ádiljan Úmbet
Basty sózder: Qoǵam, Sport,
Joǵary qaraı