Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qurlyqtyq hokkeı lıgasy: «Barys» búgin elordada «Severstalmen» kezdesedi

2021 jyldyń 24 qazan 2021 13:16

NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn elordada Reseıdiń «Severstal» (Cherepovets) komandasymen ótkizedi, dep habarlaıdy QazAqparat tilshisi.

Kezdesý elorda ýaqytymen 17:00-de bastalyp, «Qazsport» telearnasynan tikeleı efırde kórsetiledi.

Eki komanda búginge deıin 25 márte sheberlik baıqasty.

Onyń 13-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Eki komanda arasyndaǵy sońǵy alty kezdesýdiń beseýinde qazaqstandyq klýb jeńiske jetti.

«Barys» bıylǵy týrnırdiń sońǵy alty kezdesýiniń ekeýinde mereıi ústem bolsa, qalǵanynda qarsylastaryna ese jiberip qoıdy.

Al «Severstal» sońǵy alty kezdesýdiń tórteýinde qarsylastaryn tize búktirdi.

Aıta ketsek, qazaqstandyq klýb budan buryn Reseıdiń «Lokomotıv» (ıAroslavl) komandasynan jeńilip qaldy.

Al «Severstal» Latvııanyń «Dınamo» (Rıga) komandasynan basym tústi.

Qazir «Barys» 21 oıynnan keıin 18 upaımen týrnır kestesinde 17-orynda keledi. Al «Avangard» 22 upaımen 14-orynda tur.


Avtor Ádiljan Úmbet
Basty sózder: Sport, Qoǵam,
Joǵary qaraı