Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qurlyqtyq hokkeı lıgasy: «Barys» elordada máskeýlik «Dınamoǵa» jol berdi

2021 jyldyń 2 jeltoqsan 2021 21:48

NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn elordada Reseıdiń «Dınamo» (Máskeý) komandasyna qarsy ótkizdi, dep habarlaıdy QazAqparat tilshisi.

Oıyn barysynda reseılik komandanyń belsendiligi baıqalyp turdy. Nátıjesinde olardyń tarapynan Anton Vedın nebári 19 sekýndta mergendik tanytty.

Odan keıin Vıacheslav Vonıov - 3, Oskar Lındberg 7-mınýttarda esepti ústemeleı tústi.

Ekinshi kezeńde «Barys» sapynan Kodı Kýnık 37-mınýtta esep aıyrmasyn qysqartqan edi.

Alaıda, odan keıin reseılik Vadım Shıpachev 40-mınýtta basymdyqty qaıtadan arttyrdy.

Al 48-mınýtta qazaqstandyq klýbtan Kertıs Valk kózdegen nysanadan múlt ketken joq.

Osylaısha «Barys» qarsylasyna 2:4 esebimen ese jiberdi.

Aıta ketsek, endi «Barys» kelesi oıynyn 4 jeltoqsanda Reseıde «Neftehımık» (Nıjnekamsk) komandasyna qarsy ótkizedi.

Eske salsaq, budan buryn «Barys» elordada reseılik «Vıtıaz» (Podolsk) komandasyna ese jiberdi.



Avtor Ádiljan Úmbet
Basty sózder: Sport, Hokkeı,
Joǵary qaraı