Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qurlyqtyq hokkeı lıgasy: «Barys» elordada «Torpedomen» kezdesedi

2021 jyldyń 25 qarasha 2021 02:21

NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn elordada Reseıdiń «Torpedo» (Nıjnıı Novgorod) komandasyna qarsy ótkizedi, dep habarlaıdy QazAqparat tilshisi.

Kezdesý elorda ýaqytymen 19:30-da bastalyp, Qazsport telearnasynan tikeleı efırde kórsetiledi.

Eki komanda búginge deıin 35 márte sheberlik baıqasty. Onyń 20-y «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Eki komanda arasyndaǵy sońǵy alty kezdesýdiń tórteýinde qazaqstandyq klýb jeńiske jetti.

«Barystyń» bıylǵy týrnırdiń sońǵy alty kezdesýiniń ekeýinde joly boldy, qalǵanynda qarsylastaryna ese jiberip qoıdy.

Al «Torpedo» sońǵy alty kezdesýdiń tórteýinde qarsylastaryn tize búktirdi.

Eske salsaq, «Barys» budan buryn elordada belarýs klýby «Dınamodan» (Mınsk) basym tústi.

Al «Torpedo» Reseıdiń «Salavat ıÝlaev» (Ýfa) komandasyn jeńdi.

Qazir «Barys» 31 oıynnan keıin 28 upaımen týrnır kestesinde 20-orynda keledi. Al «Torpedo» 34 upaımen 13-orynda tur.


Avtor Ádiljan Úmbet
Basty sózder: Sport,
Joǵary qaraı