Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qurlyqtyq hokkeı lıgasy: «Barys» qatarynan tórtinshi oıynda jeńildi

2021 jyldyń 26 qazan 2021 21:15

NUR-SULTAN. QazAqparat - Búgin astanalyq «Barys» Qurlyqtyq hokkeı lıgasyndaǵy kezekti oıynyn Reseıde «Sıbır» (Novosibir) komandasyna qarsy ótkizdi, dep habarlaıdy QazAqparat tilshisi.


Búgingi kezdesý kóp gol soǵylýymen erekshelendi. Komandalar bir-biriniń qaqpasyna gol saldy.

Aldymen 13-mınýtta reseılik Denıs Golýbev esep ashty. Odan keıin qazaqstandyq Denıs Gýrkov 17-mınýtta tarazy basyn teńestirdi. Al 18-mınýtta Nıkolaı Demıdov qaıtadan «Sıbırdi» alǵa shyǵarsa, «Barys» sapynan 19-mınýta Kertıs Valk mergendik tanytty.

Ekinshi kezeńniń 23-mınýtynda Kertıs Valk kezdesý barysynda ekinshi márte kózdegen nysanadan múlt ketken joq. Oǵan 34-mınýtta reseılik Egor Mılovzorov bir golmen jaýap qaıyrdy. Osylaısha tarazy basy taǵy teńesti.

Negizgi kezeń 3:3 esebimen teń aıaqtalyp, oıyn overtaımǵa ulasty. Overtaımda jeńimpaz anyqtalǵan joq. Býllıtte «Sıbırdiń» mereıi ústem boldy.

Osylaısha «Barys» qatarynan tórtinshi márte qarsylastaryna ese jiberdi.

Endi «Barys» kelesi oıynyn 28 qazanda Reseıde «Admıral» (Vladıvostok) komandasyna qarsy ótkizedi.

Aıta ketsek, qazaqstandyq klýb budan buryn Reseıdiń «Severstal» (Cherepovets) komandasynan jeńilip qaldy.


Avtor Ádiljan Úmbet
Basty sózder: Sport, Qoǵam,
Joǵary qaraı