Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qurlyqtyq hokkeı lıgasy: «Barys» «Kýnlýn Red Stardan» basym tústi

2021 jyldyń 16 qazan 2021 01:10

NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn Qytaıdyń «Kýnlýn Red Star» (Beıjiń) komandasymen ótkizdi, dep habarlaıdy QazAqparat tilshisi.

Eki komanda bıylǵy týrnırdi sátsiz ótkizip keledi. Qazir «Barys» 17 oıynnan keıin 14 upaımen týrnır kestesinde 18-orynda keledi.

Al «Kýnlýn Red Star» 11 upaımen 23-orynda turǵan edi.

Sondyqtan oıyn barysynda komandalar shaıba soǵýdyń jolyn izdedi. Birinshi kezeńde esep ashylǵan joq.

Ekinshi kezeńniń 21-mınýtynda Nıkıta Mıhaılıs qarsylastar qaqpasynan sańylaý tapty. Osylaısha qazaqstandyq klýb alǵa shyqty.

Úshinshi kezeń asa tartysty ótti. Komandalar negizinen shabýyl shebinde boı kórsetti.

Qytaılyq komandadan 58-mınýtta Taıler Vong tarazy basyn teńestirip, oıyn overtaımǵa ulasty. Overtaımda jeńimpaz anyqtalǵan joq.

Býllıten «Barys» basym tústi.

Eki komanda búginge deıin 16 márte sheberlik baıqasty. Onyń 11-i «Barystyń» basymdyǵymen aıaqtalsa, qalǵanynda qytaılyq klýbtyń mereıi ústem boldy.

Endi «Barys» aldaǵy oıynyn 17 qazanda Reseıdiń SKA (Sankt-Peterbýrg) komandasymen ótkizedi.

Avtor Ádiljan Úmbet
Basty sózder: Sport,
Joǵary qaraı