Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qurlyqtyq hokkeı lıgasy: «Barys» latvııalyq «Dınamodan» jeńilip qaldy

2021 jyldyń 17 qyrkúıek 2021 00:58

NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn syrt aıdynda Latvııanyń «Dınamo» (Rıga) komandasyna qarsy ótkizdi, dep habarlaıdy QazAqparat tilshisi.

Búgingi kezdesý barysynda latvııalyq hokkeıshiler jeńiske jetýge barynsha kúsh saldy. Oıyn basynan birneshe qaýipti shabýyl uıymdastyrdy.

Nátıjesinde olardyń qatarynan Frenk Korrado 12, Sebastıan Vennstrem 13-mınýttarda mergendik tanytty. Budan keıin «Barys» hokkeıshileri qarymta shabýylǵa shyqty.

Esesine úshinshi kezeńniń 43-mınýtynda latvııalyq komandadan Emıl Pýare basymdyqty arttyra tústi. Al 52-mınýtta «Barys» qorǵaýshysy Djo Morroý esep aıyrmasyn qysqartqan edi. Oıynnyń bitýine nebári bir sekýnd qalǵanda Nıkıta Mıhaılıs qaqpany dál kózdedi.

Osylaısha «Barys» qarsylasyna 2:3 esebimen jol berdi.

Aıta ketsek, eki komanda búginge deıin 25 márte sheberlik baıqasty. Onyń 17-i «Barystyń» basymdyǵymen aıaqtalsa, qalǵanynda latvııalyq klýbtyń mereıi ústem bolǵan edi.

Endi «Barys» 18 qyrkúıekte Fınlıandııanyń «Iokerıt» (Helsınkı) komandasymen kezdesedi.

Eske salsaq, elordalyq klýb alǵashqy bes kezdesýdiń nebári ekeýinde ǵana jeńiske jetti.

Avtor Ádiljan Úmbet
Basty sózder: Sport,
Joǵary qaraı