Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qurlyqtyq hokkeı lıgasy: «Barys» SKA-ny jeńdi

2021 jyldyń 17 qazan 2021 23:07

NUR-SULTAN. QazAqparat - Búgin astanalyq «Barys» Qurlyqtyq hokkeı lıgasyndaǵy kezekti oıynyn Reseıdiń SKA (Sankt-Peterbýrg) komandasymen ótkizdi, dep habarlaıdy QazAqparat tilshisi.

Reseılik klýb bıylǵy týrnırdi sátti ótkizip keledi. Nátıjesinde týrnır kestesinde alǵashqy bestikte tur. Al «Barys» ázirge mundaı kórsetkishke qol jetkize almaı júr.

Dese de, bıyl qazaqstandyq klýb elordada ótken birinshi kezdesýinde atalǵan qarsylasyn 3:0 esebimen súrindirdi.

Búgin de «Barys» alǵashqy sátten tizgindi qolyna alýǵa tyrysqan edi. Birinshi kezeńde olardyń qatarynan Kırıll Savıtskıı 5-mınýtta mergendik tanytty.

Ekinshi kezeńde bes shaıba soǵyldy. Onyń úsheýinde SKA klýbynyń mereıi ústem bolsa, ekeýinde «Barys» múlt ketken joq. Reseılik komandadan Valentın Zykov - 21, Anton Býrdasov - 28, Emıl Galımov 34-mınýtta qanjyǵasyn maılasa, oǵan Nıkıta Mıhaılıs - 26, Roman Starchenko 38-mınýtta qos shaıbamen jaýap qaıyrdy.

Negizgi kezeń 3:3 esebimen teń aıaqtalyp, oıyn overtaımǵa ulasty. Overtaımda jeńimpaz anyqtalǵan joq. Býllıtte «Barystyń» joly bolyp, qarsylasyn qapy qaldyryp ketti.

Eske salsaq, budan buryn «Barys» «Kýnlýn Red Stardan» basym túsken edi.




Avtor Ádiljan Úmbet
Basty sózder: Qoǵam, Sport,
Joǵary qaraı