Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qurylys kompanııalaryna maman daıarlaýǵa tikeleı atsalysý usynyldy

2021 jyldyń 24 qyrkúıek 2021 17:26

NUR-SULTAN. QazAqparat – QR Bilim jáne ǵylym mınıstrliginiń janyndaǵy «Adal bilim» jobalyq keńsesiniń sarapshysy Lılııa Ispenbetova Qazaqstan qurylysshylar odaǵynyń otyrysynda bilikti qurylysshylardy daıarlaý isin jolǵa qoıý jóninde usynys aıtty, dep habarlaıdy «QazAqparat»HAA tilshisi.

«Biz qurylys kompanııalary men joǵary oqý oryndarynyń, kolledjderdiń arasynda maman daıarlaý isi boıynsha ózara baılanystyń jańa tásilin usynamyz. Bul tásil boıynsha qurylys kompanııalary oqý oryndaryna abıtýrıentten daıyn maman jasap shyǵarý boıynsha áleýmettik tapsyrys beredi. Іriktelgen talapkerdi ol bilim alý úshin JOO men kolledjderge jiberedi. Ol qajetti bilimin alyp, ózin oqýǵa joldaǵan qurylys kompanııasyna oralady», - dedi sarapshy.

«Adal bilim» jobalyq keńsesiniń sarapshysy mundaı tásil qurylys kompanııalaryna ózi tapsyryspen daıyndap jatqan mamanǵa beriletin bilimniń sapasyn qadaǵalaý múmkindigin beretinin aıtady.

«Qurylys kompanııasy joǵary oqý oryndary men kolledjder arqyly mamandy ózi daıarlaıdy. Sondaı-aq, stýdentterge quyrylys salasy boıynsha berilip júrgen bilim baǵdarlamalaryn qaıta qaraý qajet. Áli de bolsa bizdegi bilim baǵdarlamalary qurylystyń qazirgi talaptaryna baǵdarlanbaǵan», - dep túıindedi Lılııa Ispenbetova.


Joǵary qaraı