Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qurylys materıaldaryn satý kezinde Vırtýaldy qoıma modýlin qoldaný qajet

2022 jyldyń 25 qańtar 2022 11:52

NUR-SULTAN. QazAqparat - Qurylys materıaldaryn satý kezinde Vırtýaldy qoıma modýlin qoldaný qajet. Bul týraly QR Qarjy mınıstrliginiń Memlekettik kirister komıtetinen málim etti, dep habarlaıdy QazAqparat tilshisi.

«Taýarlarǵa ilespe júkqujattardy resimdeý jónindegi pılottyq jobanyń qaǵıdalaryna sáıkes 2022 jylǵy 1 aqpannan bastap qurylys materıaldaryn satý kezinde taýarlarǵa ilespe júkqujattardy resimdeý jáne Vırtýaldy qoıma modýlin qoldaný qajet. Taýarlarǵa ilespe júkqujattardy resimdeý kezinde tehnıkalyq máseleler týyndaǵan jaǵdaıda «taýarlardyń, jumystardyń, kórsetiletin qyzmetterdiń jetkizilgenin rastaıtyn qujat» 32-jolda NON SNT kórsete otyryp, taýarlarǵa ilespe júkqujattarynsyz elektrondy shotfaktýra jazyp berý múmkindigi bar», - dep atap ótedi komıtetten.

Vedomstvo málimetinshe, pılottyq jobanyń maqsaty taýarlarǵa ilespe júkqujattardy engizýge aýyrtpalyqsyz kóshý jáne salyq tóleýshilerge Taýarlarǵa ilespe júkqujattardy mindetti túrde qoldanýǵa daıyndalý múmkindigin berý. Pılottyq joba kezeńinde taýarlarǵa ilespe júkqujattardy ýaqtyly resimdemegeni rastalǵan jaǵdaıda ákimshilik jaýapkershilik sharalary kózdelmegen.


Joǵary qaraı