Aýa raıy
Astana -2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Qus tumaýyna baılanysty Aqmolanyń bes aýdanynda karantın jarııalandy

2020 jyldyń 25 qyrkúıek 2020 18:21

KÓKShETAÝ. QazAqparat – Aqmola oblysynyń taǵy bes aýdanynda qus tumaýy anyqtaldy, dep habarlaıdy QazAqparat tilshisi.

Oblystyq veterınarııa basqarmasy basshysynyń orynbasary Talǵat Júnisovtyń aıtýynsha, óńirdiń bes aýdanynda qus tumaýy rastaldy. Bul - Astrahan (Staryı Kolýton), Bulandy (Voznesenskoe jáne Nıkolskoe aýyldary), Atbasar Qosbarmaq aýyly), Egindikól jáne (Spırıdonovka jáne Abaı aýyldary), Zerendi aýdandary (Qarlykól aýyly).

«Zerthanalyq zertteý nátıjesi boıynsha bul eldi-mekenderde qus tumaý rastaldy. Karantın mindetti turde jarııalanady, alaıda, bul áp sátte qolǵa alynatyn sharýa emes. Ár aýdannyń bas memlekettik ınspektorlary aýyldyq okrýg ákimderiniń atyna usynys jasaýlary kerek. Ol tirkelip, keıin Aýyl sharýashylyǵy mınıstrligine, veterınarlyq baqylaý jáne qadaǵalaý komıtetiniń tóraǵasy karantın engizip, ony ótkizý úshin qarajat bóledi. Jalpy, búgingi kúni bizde 11 aýdanda 1104 qustyń ólgeni tirkeldi», - deıdi Talǵat Júnisov.

Budan bólek, Shortandy aýdanyndaǵy Bektaý aýylynda, Tselınograd aýdanyndaǵy Jarlykól aýylynda, Sandyqtaý aýdanyndaǵy Jylandy aýylynda, Jaqsy aýdanyndaǵy Qalmakól jáne Novokıenka aýyldarynda, sondaı-aq, Aqkól aýdanynda shamaly qustyń ólgeni anyqtaldy. Bul aýdandarda qustyń qyrylý sebebi anyqtalady.

Aıta ketsek, osyǵan deıin Aqmola oblysynyń Jarqaıyń aýdanyndaǵy Shoıyndykól aýylynda úı qustary qyrylyp, aýylǵa shekteý sharalary engizilgen edi.


Joǵary qaraı