Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kúshti jel, naızaǵaıly jańbyr, burshaq - sársenbige arnalǵan aýa raıy

2021 jyldyń 10 maýsym 2021 00:23

NUR-SULTAN. QazAqparat – Sınoptıkterdiń boljaýynsha, sársenbide elimizdiń basym bóliginde atmosferalyq aǵyndar saldarynan aýa raıy qubylmaly bolady, dep habarlaıdy QazAqparat Qazgıdrometke silteme jasap.

10 maýsymda Qazaqstannyń basym bóliginde naızaǵaıly jańbyr jaýady, ońtústik-shyǵysta, ortalyqta keı jerlerde nóser jaýady. Keı jerlerde daýyl soǵyp, jel kúsheıedi, ońtústikte shańdy daýyl soǵýy múmkin, soltústikte túnde jáne tańerteń tuman túsýi yqtımal.

Jambyl oblysynyń keı jerlerinde shańdy daýyl, daýyl soǵady, burshaq jaýady, jel kúsheıip, jyldamdyǵy 15-20 m/s, ekpini 23-28 m/s jetedi. Túrkistan oblysynyń keı jerlerinde daýyl, shańdy daýyl soǵady, jel kúsheıip, jyldamdyǵy 17-22 m/s jetedi, kúndiz ekpini 25 m/s bolady.

Kúndiz Soltústik Qazaqstan oblysynyń keı jerlerinde daýyl soǵady, burshaq jaýady, jel kúsheıip jyldamdyǵy 15-20 m/s jetedi, túnde jáne tańerteń tuman túsýi múmkin.

Qaraǵandy, Aqmola, Almaty oblystarynyń keı jerlerinde burshaq jaýady, jel kúsheıip jyldamdyǵy 15-20 m/s jetedi, Qaraǵandy oblysynyń keı jerlerinde daýyl soǵýy múmkin.

Shyǵys Qazaqstan oblysynyń kúndiz keı jerlerinde burshaq jaýady, jel kúsheıip jyldamdyǵy 15-20 m/s jetedi.

Kúndiz Qostanaı, Qyzylorda oblystarynyń keı jerlerinde jel 15-20 m/s kúsheıedi, Qyzylorda oblysynda shańdy daýyl soǵýy múmkin.

Batys Qazaqstan oblysynyń keı jerlerinde burshaq jaýýy yqtımal.

Kúndiz Jambyl oblysynyń basym bóliginde, Almaty oblysynyń keı jerlerinde qatty ystyq bolady.

Qyzylorda, Jambyl, Aqtóbe, Qaraǵandy oblystarynyń basym bóliginde, Almaty, Túrkistan, Qostanaı, Batys Qazaqstan, Aqmola, Pavlodar oblystarynyń keı jerlerinde, Shyǵys Qazaqstan oblysynyń jekelegen aýdanynda óte joǵary órt qaýpi saqtalady.

Basty sózder: Qazgıdromet, Aýa raıy,
Joǵary qaraı