Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kýveıt Qazaqstan bıliginiń qabyldap jatqan sharalaryna qoldaý bildirdi

2022 jyldyń 13 qańtar 2022 23:21

NUR-SULTAN. QazAqparat - Kýveıt tarapynyń bastamasymen Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi Kýveıt Memleketiniń Syrtqy ister mınıstri Ahmad Nasser ál-Muhammed ál-Sabahpen telefon arqyly sóılesti. Bul týraly QazAqparat SІM silteme jasap habarlaıdy.

Suhbat barysynda Kýveıt mınıstri Ámirdiń eldegi jaǵdaıdy turaqtandyrý boıynsha Qazaqstan bıliginiń qabyldap jatqan sharalaryna qoldaý bildirgen sózderin jetkizdi.

M.Tileýberdi Prezıdent Qasym-Jomart Toqaevtyń jańadan qurylǵan QR Úkimetiniń aldyna qoıǵan, Qazaqstannyń qalypty ómir súrý jaǵdaıyn qalpyna keltirýge jáne qoǵam men ekonomıkasyn jańartýǵa baǵyttalǵan jańa mindetteri týraly habarlady.

Sonymen qatar, suhbattastar eki el arasyndaǵy yntymaqtastyqty ary qaraı nyǵaıtý, sonyń ishinde joǵary jáne asa joǵary deńgeılerde ózara saparlar uıymdastyrý máselelerin talqylady. Halyqaralyq uıymdar aıasyndaǵy ózara is-qımylǵa nazar aýdaryldy, ásirese AÓSShK sheńberindegi yntymaqtastyqqa.



Joǵary qaraı