Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kúzde Qazaqstannyń qarjy naryǵyna keshendi baǵalaý júrgizilýi múmkin

2021 jyldyń 16 sáýir 2021 14:20

ALMATY. QazAqparat - Qazaqstan Ulttyq Bankiniń Tóraǵasy Erbolat Dosaev pen Halyqaralyq valıýta qorynyń Basqarýshy dırektory Krıstalına Georgıeva HVQ men Dúnıejúzilik Bank tobynyń kóktemgi kezdesýleri aıasynda onlaın kezdesý ótkizdi, dep habarlaıdy QazAqparat tilshisi.

Taraptar qazirgi makroekonomıkalyq ahýaldy, COVID-19-dyń Qazaqstan ekonomıkasyna teris saldaryn azaıtý maqsatynda daǵdarysqa qarsy sharalardyń júzege asyrylýyn, aqsha-kredıt saıasaty máselelerin, sondaı-aq eldiń qarjy sektoryn odan ári damytý máselelerin talqylady.

Vırtýaldy kezdesý barysynda HVQ tarapynan makroboljamdaýdy, stress-testileýdi, kıberqaýipsizdikti jáne táýekel-menedjmentti damytý boıynsha tehnıkalyq kómek kórsetý máselesi qaraldy, sonymen qatar 2021 jyldyń kúzinde Qazaqstannyń qarjy naryǵyna keshendi baǵalaý júrgizý múmkindigi pysyqtaldy.

Kezdesýdi qorytyndylaı kele Qazaqstan Ulttyq bankiniń Tóraǵasy Erbolat Dosaev pen HVQ Basqarýshy dırektory Krıstalına Georgıeva Kavkaz, Ortalyq Azııa jáne Mońǵolııa memleketterine arnalǵan áleýetti damytý óńirlik ortalyǵynyń onlaın-vebınarlarlary tabysty ótkenin aıtty jáne onyń jyl sońyna deıin Almaty qalasynda is júzinde ashylýyna qatysty máselelerin talqylady.


Avtor Alma Muqanova
Basty sózder: QR Ulttyq banki, Almaty, Ekonomıka,
Joǵary qaraı