Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kvazımemlekettik sektor kompanııa basshylarynyń jaýapkershiligin normatıvtik turǵydan qarastyrý usynylmaq

2021 jyldyń 2 qyrkúıek 2021 09:52

NUR-SULTAN. QazAqparat – Qazaqstanda kvazımemlekettik sektor kompanııalary birinshi basshylarynyń jaýapkershiligin normatıvtik turǵydan qarastyrý usynylady. Bul týraly Úkimet otyrysynda QR Qarjy mınıstri Erulan Jamaýbaev aıtty, dep habarlaıdy QazAqparat tilshisi.

«Mınıstrlik Jekeshelendirýdiń 2021-2025 jyldarǵa arnalǵan keshendi josparynyń ýaqtyly oryndalýyna baqylaýdy kúsheıtti. Ol úshin nysandardy ótkizý tásilderi ázirlendi. Oǵan sáıkes nysandardyń 50 paıyzy osy jyly, 30 paıyzy 2022 jyly jáne 2023 jáne 2024 jyldary 10 paıyzdan satýǵa qoıylýy tıis. Budan basqa, keshendi jospardyń árbir nysany boıynsha ótkizý jol kartalary ázirlendi jáne Memlekettik múlik tizilimine engizildi. Óz kezeginde, jekeshelendirý josparynyń iske asyrylýyna jaýapkershilikti kúsheıtý maqsatynda, ákimdikterdiń, ulttyq basqarýshy holdıngter men kompanııalardyń qyzmetin baǵalaý kezinde onyń oryndalýyn eskerý usynylady»,- dedi mınıstr.

Jalpy, onyń aıtýynsha, usynylyp otyrǵan is-sharalar 2025 jyldyń sońyna qaraı memlekettiń ekonomıkaǵa qatysý úlesin jalpy ishki ónimniń 14 paıyzǵa deıin qysqartýǵa múmkindik beredi.

«Sonymen qatar, kvazımemlekettik sektor kompanııalarynyń birinshi basshylarynyń jaýapkershiligin normatıvtik turǵydan qarastyrý usynylady. Jaýapkershilik damý josparlarynda strategııalyq kórsetkishterge qol jetkizbegeni, onyń ishinde kvazımemlekettik kompanııalardyń shyǵynǵa ushyraýyna jol bergeni úshin kózdeletin bolady»,- dedi Erulan Jamaýbaev.

Eske salsaq, 1 qyrkúıek kúni QR Prezıdenti Qasym-Jomart Toqaev «Halyq birligi jáne júıeli reformalar – el órkendeýiniń berik negizi» atty halyqqa Joldaýyn jarııalady. Joldaýdyń tolyq mátini myna jerde.


Joǵary qaraı