Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Qyrǵyz nómirli» kólik 91 ret «Sergekke» túsken

2021 jyldyń 18 qazan 2021 12:01

NUR-SULTAN. QazAqparat – QR Іshki ister mınıstrligi Ákimshilik polıtsııa komıteti tóraǵasynyń orynbasary Serik Túsipov sheteldik nómiri bar kólik ıeleriniń jol erejesin buzý kórsetkishteri týraly jańa málimetterdi aıtty, dep habarlaıdy QazAqparat tilshisi.

«Júrgizýshilerdiń tártibin arttyrýda ereje buzý oqıǵalaryn avtomatty túrkeý júıesi eleýli ról atqaryp otyr. Búgingi tańda jol júrý erejesin buzǵan jaıttardyń 40 paıyzǵa jýyǵy osy júıeniń kómegimen anyqtalady. Joldarda 13 myńnan astam osyndaı kamera ornatylǵan. Olar jyldamdyq rejımin arttyrý, «stop-syzyq» pen «tutas jolaqty» kesip ótý, tyıym salynǵan belgige ótý, qoǵamdyq kóliktiń jolaǵyna túsý sııaqty zańsyzdyqtardy avtomatty túrde tirkeıdi», - dedi ol vedomstvonyń aqparat alańynda ótken onlaın brıfıngide.

Onyń málimeti boıynsha, sheteldik nómiri bar kólikpen júrgenderdiń jáne ereje buzǵandardyń jeke basyn jedel anyqtaý úshin saqtandyrý derekteriniń bazasymen ıntegratsııalanǵan júıe qurylǵan. Sonyń kómegimen jyl basynan beri shetelden ákelingen kólikterdiń ústinen 460 myńǵa jýyq zańbuzýshylyq avtomatty rejımde anyqtalǵan.

«Bul sanattaǵy jol qozǵalysyna qatysýshylardyń tártibine qatysty másele bar. Mysaly, Shyǵys Qazaqstan oblysynda 182 myń teńgeniń 25 uıǵarymy rásimdelgen Lexus anyqtaldy. Іshki ister qyzmetkerleriniń aralasýymen búkil aıyppul tólendi. Qostanaı oblysynda «VAZ» markaly bir kólikke 478 myń teńgeniń aıyppuly jazylǵan 51 uıǵarym rásimdelgen. Taǵy osy óńirde Qyrǵyz Respýblıkasynda tirkeýde turǵan Toyota Estimo kóligine 91 ret jol qaýipsizdigin buzǵany úshin 1,1 mln teńge aıyppul salynyp, túgel óndirildi. Pavlodar oblysynda Reseıde tirkeýi bar Hunday avtomobıliniń ıesi 69 ret jol ejeresin buzyp, 751 myń teńge aıyppul tóledi», - dedi ІІM ókili.


Joǵary qaraı